„თბილისის ცენტრალური საავადმყოფოს“ ბაზაზე ულტრათანამედროვე მიმღები და გადაუდებელი დახმარების დეპარტამენტი გაიხსნა

2016-06-02 13:31:25, 666 ნახვა

საზოგადოება

„თბილისის ცენტრალური საავადმყოფო“-ს ბაზაზე ახალი ულტრათანამედროვე ტექნიკით აღჭურვილი მიმღები და გადაუდებელი დახმარების დეპარტამენტი გაიხსნა.

ახალი განყოფილება შრომის, ჯანმრთელობისა და სოციალური დაცვის მინისტრის მოადგილემ ვალერი კვარაცხელიამ დაათვალიერა.

ჯანდაცვის სამინისტროს ინფორმაციით, დეპარტამენტი სრულად განახლდა, გაიზარდა და დაკომპლექტდა წამყვანი სპეციალისტებით. გადაუდებელი დახმარების ახალ განყოფილებას ერთდროულად 100-მდე კრიტიკული პაციენტის მიღება და მართვა შეუძლია. მიმღები და გადაუდებელი განყოფილების მაღალკვალიფიციური ექიმთა გუნდი 24 საათის განმავლობაში უზრუნველყოფს პაციენტთა ოპერატიულ და მაღალკვალიფიციურ მომსახურებას.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან