"ვენდის" ამერიკულ რესტორანში ბავშვებს ცნობილი სახეები მოემსახურნენ

2016-06-01 19:58:50, 662 ნახვა

საზოგადოება

ბავშვთა დაცვის საერთაშორისო დღეს "ვენდის" ამერიკული რესტორანი განსაკუთრებულად ხვდება.

16:00 საათიდან 18:00 საათამდე "ვენდის" მთელ ქსელში პატარა სტუმრებისთვის გასართობი ღონისძიებები გაიმართა. საბავშვო მენიუზე მათ საჩუქრად გაორმაგებული მონეტები გადასცეს. დოლიძის ქუჩის კუთხეში მდებარე მსოფლიოში ყველაზე დიდ "ვენდის" რესტორანში მისულ პატარა სტუმრებს კი, განსაკუთებული სიურპრიზი დახვდათ.

სალაროებთან მათ ყველასთვის ცნობილი და საყვარელი სახეები: ანატოლი ბოისა, გიორგი სუხიტაშვილი, ოთო ნემსაძე, სალომე ბაკურაძე, ვერიკო ტურაშვილი, გოგიჩა და ნინი, ირინა ონაშვილი, თიკა ჯამბურია, მაიკო კაჭკაჭიშვილი, მამულიჩა თავიანთ პატარებთან ერთად მოემსახურნენ და ყველა მსურველს ფოტოს გადაღების შესაძლებლობა მ

"ეს იყო არაჩვეულებრივი კამპანია "ვისოლ ჯგუფის" ორგანიზებით. ჩვენ დიდი სიამოვნებით მივიღეთ მონაწილეობა, რადგან კიდევ ერთი დღე გავულამაზეთ პატარებს. მოვემსახურეთ კლიენტებს, გამოვიწვიეთ, ასე ვთქვათ, ოვაციები და ბედნიერი ვარ, რა თქმა უნდა, დადებითი ემოცია მივიღე და კიდევ ერთხელ ვულოცავ ყველა პატარას დღევანდელ დღეს",-აღნიშნა ირინა ონაშვილმა.

"ვენდის" რუსთაველის, ცინცაძის, ვაკის, გლდანისა და დიღმის ფილიალებში კი, ტრადიციისამებრ, "ვენდის" გოგონებმა ბავშვების გართობაზე სახის მოხატვით, მხიარული მუსიკით, თამაშებითა და სახალისო მისალოცების დარიგებით იზრუნეს.

"ბავშვებზე დიდი სიხარული არ არსებობს. ყოველი დღე არის მათი, ყველა პატარას ვულოცავ სულით და გულით, რასაც საკუთარს, იმას ვუსურვებ ყველა პატარას საქართველოში და მთელ მსოფლიოში. ძალიან დიდი მადლობა ცნობილ საახეებს, რომლებიც მოვიდნენ დღეს და ჩვენთან ერთად ბავშვებიც გაახარეს. ძალიან ჟრიამულია, სიხარულია და ეს იყო ჩვენი მთავარი ჩანაფიქრი",-განაცხადა "ვისოლ ჯგუფის" პრეზიდენტმა სოსო ფხაკაძემ.

"ვისოლ ჯგუფის" მიერ ბავშვთა დაცვის საერთაშორისო დღისადმი მიძღვნილი კვირეულის ფარგლებში დაგეგმილი აქტივობები 4 ივნისს წყნეთში "სმარტისა" და "დანკი დონატსის" ობიექტზე ზაფხულის სეზონის გახსნის საზეიმო ღონისძიებებით გაგრძელდება. 10 ივნისს კი, "რაიდმედთან ერთად" ჯგუფი საქველმოქმედო ღონისძიებას გამართავს არასამთავრობო ორგანიზაცია "რაიდმედთან" ერთად.

"ვენდის" ამერიკული რესტორნების ქსელის განვითარება "ვისოლ ჯგუფმა" 2013 წელს დაიწყო. "მეტი ქართული პროდუქტის" ინიციატივის ფარგლებში 2015 წლის დეკემბრიდან ამერიკული რესტორნების ქსელმა "ვენდის" იმპორტის უდიდესი წილი ქართული პროდუქტებით უკვე ჩაანაცვლა და "სმარტთან", "მარშესთან", "პურის სამყაროსთან", "მილკოსა" და "ბადაგთან" თანამშრომლობით ერთგულ მომხმარებელს ახლა უკვე ქართული ქათმის ხორცით, ბოსტნეულითა, თუ სხვა პროდუქტებით დამზადებულ ყოველდღიურად ახალ, მაღალი ხარისხის, უგემრიელეს კერძებს სთავაზობს.

ფოტო რეპორტაჟი

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან