პეკინის გამზირი #24ა - აქ 2 ივნისს ტერაბანკის კიდევ ერთი ფინანსური სახლი საზეიმო ვითარებაში გაიხსნება.

ავლაბრის სათავო ოფისის გახსნის შემდეგ, ახლა უკვე პეკინის განახლებული ფილიალი მიიღებს სტუმრებს. მიწვეულ სტუმრებს შორის ბანკის საცალო მომსახურების კლიენტები არიან, ვისთვისაც ეს ფილიალი სამუშაო დღეებში 10:00-დან 21:00საათამდე, ხოლო სადღესასწაულო დღეებში 10:00-დან 15:00სთ-მდე იმუშავებს.  ღონისძიება 13:00 საათზე ტერაბანკის სიმბოლური ლენტის გაჭრით დაიწყება და სასიამოვნო სიურპრიზებით გაგრძელდება.

ტერაბანკი, რომელიც აქამდე ბაზარზე კორ სტანდარტ ბანკის სახელით ოპერირებდა, მომხმარებელს ყველასგან განსხვავებული კონცეფციის საბანკო მომსახურებას სთავაზობს. სახლის მყუდრო და კომფორტული ინტერიერი, რბილი ავეჯი და დეკორატიული ნივთები მომხმარებელს საშუალებას აძლევს ფინანსური ოპერაციები სასიამოვნო გარემოში შეასრულოს. იმ ცვლილებების გარდა, რომელიც ბანკის რებდრენდინგის შემდეგ ასეთი ადვილი შესამჩნევია, ტერაბანკში დაიხვეწა და განვითარდა საბანკო პროცედურები, პროდუქტები და მომსახურების სტანდარტები.

რებრენდინგის პროცესზე ადგილობრივმა და საერთაშორისო სააგენტოებმა ერთად იმუშავეს. პროექტს მხარს უჭერდნენ ბანკის აქციონერები, რომლებიც არაბეთის გაერთიანებული საამიროების შეიხები არიან. ძირითადი აქციონერი - ნაჰაიან მუბარაქ ალ ნაჰაიანი საქართველოში ამ დროისთვის 250 მილიონ დოლარზე მეტ ინვესტიციას ახორციელებს და როგორც ცნობილია, ის ამ თანხის მოცულობის გაზრდას გეგმავს.

რაც შეეხება ტერაბანკის ამჟამინდელ საქმიანობას, ტერაბანკი მომხმარებელს უწევს როგორც მაღალი ხარისხის საცალო მომსახურებას, ასევე აქტიურად არის ჩართული ბიზნესის დაკრედიტებაში. ამ დროისათვის მიმდინარეობს ბანკის 18 ფილიალის განახლება „ჩემი ფინანსური სახლის“ კონცეფციის მიხედვით, თუმცა წლის ბოლომდე იგეგმება რეგიონებში კიდევ  5 ფილიალის გახსნა და ATM-ების დამატება.  

(R)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გორდულაძე – ევროკავშირში უნდა აწყობდეთ, რომ ჩიხში შესული ურთიერთობებიდან გამოსავალი თავადვე მოძებნონ

წითლიძე- აფხაზეთში ჯერ კიდევ არის რუსული ნარატივი, რომ აფხაზებსა და ქართველებს შორის უნდა იყოს მტრობა

რუსეთის რკინიგზამ საქართველოსა და სომხეთში ტურის დაწყება გამოაცხადა

საიამ დევნისა და ვანდალიზმის საკითხთან დაკავშირებით ადამიანის უფლებათა ევროპულ სასამართლოს მიმართა