ლიტვის დედაქალაქ ვილნიუსში ბალტიისპირეთის ქვეყნების ყველაზე მასშტაბური ღვინის გამოფენა VYNO DIENOS(ღვინის დღეები) ჩატარდა, რომლის ფარგლებშიც სპეციალური ღონისძიება - „გამორჩეული ღვინოები საქართველოდან“ გაიმართა.

სოფლის მეურნეობის სამინისტროს ინფორმაციით, პრეზენტაცია-დეგუსტაციას ღვინის ეროვნული სააგენტოს თავმჯდომარის მრჩეველი გიორგი თევზაძე უძღვებოდა.

მათივე ცნობით, პრეზენტაციაში „საქართველო - 8 ათასი რთველი“ ძირითადი აქცენტი გაკეთდა ქართულ მეღვინეობის უძველეს ტრადიციაზე, ქართულიჯიშების მრავალფეროვნებაზე, ღვინის დაყენების ქართულ მეთოდებზე და ქვევრის ღვინისდაყენების ქართულ ტრადიციულ მეთოდზე, რომელსაც 2013 წელს იუნესკოს (UNESCO) არამატერიალური კულტურული მემკვიდრეობის ძეგლის სტატუსი მიენიჭა.

სოფლის მეურნეობის სამინისტროს სსიპ ღვინის ეროვნული სააგენტოს მხარდაჭერით გამოფენაში მონაწილეობდა ქართული ღვინის მწარმოებელი 6 კომპანია: „ვაინმენი“, „კახური“, „ვინივერია“, შპს „ქინძმარაული“, „როიალ ხვანჭკარა“ და „დუგლაძეების ღვინის კომპანია“.

გამოფენას VYNO DIENOS საქართველოს ელჩი ლიტვის რესპუბლიკაში ხათუნა სალუქვაძე დაესწრო.

ლიტვა ქართული ღვინის საექსპორტო ერთ-ერთ მნიშვნელოვან ბაზარს წარმოადგენს და ქართულ ღვინოს ამ ბაზარზე დამკვიდრების დიდი პოტენციალი გააჩნია. ქართული ღვინის ექსპორტის ხელშეწყობისა და პოპულარიზაციის მიზნით, ღვინის ეროვნული სააგენტოს მხარდაჭერით ქართული ღვინის კომპანიები ლიტვაში,და ზოგადად ბალტიისპირეთის ქვეყნებში,სხვადასხვა გამოფენასა და დეგუსტაციებში  მონაწილეობენ.

ლიტვა ქართული ღვინის ექსპორტიორი ქვეყნების ათეულში შედის.  2015 წელს საქართველოდან ექსპორტირებულია 658 ათას ბოთლზე მეტი ღვინო, რაც  4%-ით აღემატება 2014 წლის ანალოგიურ მაჩვენებელს, მიმდინარე წლის იანვარ-აპრილში კი - 183 ათასი ბოთლი, რაც 37%-ით მეტია გასული წლის ანალოგიური პერიოდის ექსპორტის მაჩვენებელზე.

გამოფენა VYNO DIENOS უკვე მეთორმეტედ, ტრადიციულად ვილნიუსის ყველაზე დიდ საგამოფენო ცენტრ LITEXPO-ში გაიმართა. გამოფენას 4 ათასამდე დამთვალიერებელი ჰყავდა - ადგილობრივი სომელიეები, იმპორტიორები, დისტრიბუტორები, ღვინის ექსპერტები, ჟურნალისტები, ბლოგერები და სხვა სტუმრები.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„თეგეტამ“ რუსთავის ჭალის ტყის აღდგენისთვის გამწვანების აქცია გამართა

საპატრიარქომ იობის განათლება აღიარა და მას შესაბამისი ხარისხი მიანიჭა

აპრილში „ექსპრესნიუსი“ 1.7 მილიონჯერ წაიკითხეს, სოციალურ ქსელებში, ახალ ამბებს 11 მილიონი ადამიანი გაეცნო

რუსეთის ტერიტორიის მეოთხედი და მოსახლეობის 70% უკრაინული დრონების მოქმედების რადიუსში იმყოფება