25 მაისს სასტუმრო Radisson Blu Iveria-ში ჩატარდა ბიზნეს კონფერენცია - „სასტუმროების დეველოპმენტი საქართველოში. “ აღნიშნული კონფერენცია პაშა ბანკის ახალი პროექტის MEETING ROOM-ის ფარგლებში შედგა და მისი მხარდამჭერები იყვნენ საქართველოს ტურიზმის ეროვნული ადმინისტრაცია და Colliers International Georgia.

საქართველოს ტურიზმის ეროვნულმა ადმინისტრაციამ აქტიურად დაუჭირა მხარი აღნიშნულ შეხვედრას, რადგან მზარდი ტურისტული ნაკადის ფარგლებში, რასაც ბოლოდროინდელი სტატისტიკა ადასტურებს, კერძო სექტორის ჩართულობა ძალიან მნიშვნელოვანია. ფორუმის დამსწრეებს ბნ-მა გიორგი ჩოგოვაძემ გააცნო საქართველოში ტურიზმის არსებული დინამიკა, მიღწევები და სამომავლო გეგმები.

Colliers International-ის ბრიტანეთის ოფისიდან სპეციალურად მოწვეულმა სპიკერმა მარკ ფინიმ საერთაშორისო სასტუმრო ბრენდ ოპერატორების უპირატესობებზე ისაუბრა. Colliers International უძრავი ქონების სერვისების გლობალური კომპანიაა, საქართველოს ოფისის ძირითად მიმართულებებს უძრავი ქონების კვლევა, შეფასება და კონსულტაცია, კორპორატიული ბროქერიჯი და დეველოპმენტ კონსალტინგი წარმოადგენს.

კონფერენციას ესწრებოდნენ სასტუმრო ბიზნესში ჩართული და ამ სექტორით დაინტერესებული კომპანიების წარმომადგენლები: Hotels and Preference, Rixos, Hilton, Marriott, Dreamland Oasis, Axis, Anagi და სხვა.

„მოხარული ვართ, რომ MEETING ROOM-ის პირველი შეხვედრა წარმატებით შედგა და ჩვენ რეალურად დავინახეთ მისი, როგორც ახალი საკომუნიკაციო პლატფორმის, მნიშვნელობა. ვიმედოვნებთ, აღნიშნული კონფერენცია დადებითად აისახება ქვეყანაში სასტუმრო ბიზნესის განვითარებაზე და პაშა ბანკი თავის წვლილს შეიტანს ამ პროცესში. MEETING ROOM-ის ფარგლებში პაშა ბანკი მომავალშიც უმასპინძლებს კონფერენციებს სხვადასხვა თემატიკაზე. “ - განაცხადა გოგა ჯაფარიძემ, პაშა ბანკის კომერციულმა დირექტორმა და დირექტორთა საბჭოს წევრმა.

შეგახსენებთ, რომ MEETING ROOM - ეს არის პაშა ბანკის ახალი პროექტი, სხვადასხვა ინდუსტრიაზე ფოკუსირებული ბიზნეს კონფერენციების ციკლი, რომელიც თავს მოუყრის კონკრეტული ინდუსტრიებით დაინტერესებულ ადამინებს და შექმნის ახალ საკომუნიკაციო სივრცეს გამოცდილების და იდეების გაზიარებისთვის.

(R)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კრიმინალური დაჯგუფება სისტემატურად ძალავდა ბიზნესმენს ფულს, უარის შემთხვევაში ბიზნესის რეკეტით და ჯანმრთელობის განადგურებით ემუქრებოდნენ

„SARAJISHVILI“-ს, „ASKANELI“-სა და „ASKANELI V.S.O.P“-ის ბრენდების ფალსიფიციას ახდენდნენ საცხოვრებელ სახლში

პენტაგონი: ირანში კონფლიქტში დაღუპული ამერიკელი სამხედროების რიცხვი 19-მდე გაიზარდა

თვეების განმავლობაში მიმდინარე დავის შემდეგ, ტრამპმა დანიასთან და გრენლანდიასთან შეთანხმებას მოაწერა ხელი