"24 მაისის ინციდენტის მოკვლევის მასალები რეაგირებისთვის თსუ-ს უფლებამოსილ ორგანოებს გადაეცა", - ამის შესახებ განცხადებას თბილისის სახელმწიფო უნივერსიტეტი ოფიციალურ ფეისბუკ-გვერდზე პოსტის სახით ავრცელებს.

განცხადებაში ნათქვამია, რომ სახელმწიფო უნივერსიტეტში საკითხის შესწავლა დაიწყო, რომლის პირველადი მასალები შესასწავლად და შემდგომი დისციპლინარული რეაგირებისთვის უკვე გადაეცა უფლებამოსილ ორგანოებს.

"24 მაისს სტუდენტებს შორის მომხდარ ინციდენტზე ივანე ჯავახიშვილის სახელობის თბილისის სახელმწიფო უნივერსიტეტში საკითხის შესწავლა დაიწყო, რომლის პირველადი მასალები შესასწავლად და შემდგომი დისციპლინარული რეაგირებისთვის უკვე გადაეცა უფლებამოსილ ორგანოებს. რაც შეეხება უნივერსიტეტის დაცვისა და უსაფრთხოების სამსახურის ვიდეოთვალით გადაღებულ ვიდეოჩანაწერს, მაღალი საზოგადოებრივი ინტერესის გამო, ეს მასალა გასაჯაროვდა. 

„უნივერსიტეტის ეთიკის კოდექსი, წესდება და უნივერსიტეტის შიდა განაწესი, ასევე „უმაღლესი განათლების შესახებ“ კანონი განსაზღვრავს იმ ზომებს, რასაც სტუდენტის მიერ დაწესებულების შინაგანაწესის დარღვევისას მიმართავენ. ეთიკის კოდექსის თანახმად სტუდენტისთვის შეუფერებელ საქციელად მიჩნეულია ის ფაქტი, რაც მოხდა 24 მაისს და შესასწავლად გადაეცა უფლებამოსილ ორგანოებს“,- განაცხადა ივანე ჯავახიშვილის სახელობის თბილსის სახელმწიფო უნივერსიტეტის რექტორის მოვალეობის შემსრულებელმა, პროფესორმა დარეჯან თვალთვაძემ.

მისივე განმარტებით, შესწავლისას თუ დადგინდა, რომ ადგილი ჰქონდა დისციპლინარულ დარღვევებს, ინციდენტში მონაწილე სტუდენტების მიმართ გატარდება შესაბამისი ზომები (წესდებით და შინაგანაწესით განსაზღვრულია საყვედურის გამოცხადება, განმეორების შემთხვევაში სტუდენტის სტატუსის შეწყვეტა)." - ნათქვამია განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„თეგეტამ“ რუსთავის ჭალის ტყის აღდგენისთვის გამწვანების აქცია გამართა

საპატრიარქომ იობის განათლება აღიარა და მას შესაბამისი ხარისხი მიანიჭა

აპრილში „ექსპრესნიუსი“ 1.7 მილიონჯერ წაიკითხეს, სოციალურ ქსელებში, ახალ ამბებს 11 მილიონი ადამიანი გაეცნო

რუსეთის ტერიტორიის მეოთხედი და მოსახლეობის 70% უკრაინული დრონების მოქმედების რადიუსში იმყოფება