საქართველოს იუსტიციის სამინისტროს სსიპ „დანაშაულის პრევენციის ცენტრის“ ინიციატივით, თიანეთის მუნიციპალიტეტის ახალგაზრდებისთვის პროექტი - „ევროპის დღე თიანეთში“, „საინფორმაციო ცენტრ ნატოსა და ევროკავშირის შესახებ“ მხარდაჭერით ჩატარდა.  

პროექტის მიზანია ნატოსა და ევროკავშირის   შესახებ ახალგაზრდების ცნობიერების ამაღლება. შეხვედრაზე განიხილეს საქართველოსა და ევროკავშირის სამომავლო ურთიერთობები, ვიზალიბერალიზაციის პროცესი, ასოცირების შეთანხმების სარგებელი და ევროკავშირთან დაკავშირებული სხვა მნიშვნელოვანი თემები.  პროექტის მონაწილეები გაეცნენ იმ აუცილებელ ინფორმაციასაც, რომელიც ევროკავშირში უვიზოდ მიმოსვლას შეეხება. ღ

ონისძიების ფარგლებში დაბა თიანეთის ბიბლიოთეკაში მოეწყო ევროკავშირის კუთხე,  სადაც ნებისმიერ მსურველს შეუძლია  არსებული ლიტერატურის გამოყენებით გაიღრმაოს ცოდნა ევროკავშირისა და ნატოს შესახებ. შეხვედრას სსიპ „დანაშაულის პრევენციის ცენტრის“ დირექტორის მოადგილე გიორგი პაპავა დაესწრო. პროექტში  თიანეთის მუნიციპალიტეტის სკოლების 40 მოსწავლე ჩაერთო. შეხვედრა თიანეთის მუნიციპალიტეტის გამგეობაში ჩატარდა.

იუსტიციის სამინისტროს სსიპ „დანაშაულის პრევენციის ცენტრი" სხვადასხვა ახალგაზრდულ პროგრამას ახორციელებს. მათი ერთ-ერთი მთავარი მიზანია მოზარდებში სამართლებრივი და სამოქალაქო ცნობიერების ამაღლება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„თეგეტამ“ რუსთავის ჭალის ტყის აღდგენისთვის გამწვანების აქცია გამართა

საპატრიარქომ იობის განათლება აღიარა და მას შესაბამისი ხარისხი მიანიჭა

აპრილში „ექსპრესნიუსი“ 1.7 მილიონჯერ წაიკითხეს, სოციალურ ქსელებში, ახალ ამბებს 11 მილიონი ადამიანი გაეცნო

რუსეთის ტერიტორიის მეოთხედი და მოსახლეობის 70% უკრაინული დრონების მოქმედების რადიუსში იმყოფება