გაეროს განვითარების პროგრამამ შრომის, ჯანმრთელობისა და სოციალური დაცვის სამინისტროს რეანომობილი გადასცა.

ჯანმრთელობისა და სოციალური დაცვის სამინისტროს ინფორმაციით,  ღონისძიებას ჯანდაცვის სამინისტროს საგანგებო სიტუაციებისა და კოორდინაციის რეჟიმის დეპარტამენტის უფროსი ავთანდილ თალაკვაძე, სასწრაფო სამედიცინო დახმარების ცენტრის დირექტორი დავით ტორუა, გაეროს განვითარების პროგრამის მუდმივი წარმომადგენლის მოადგილე შომბი შარპი და საქართველოში რუმინეთის საგანგებო და სრულუფლებიანი ელჩი დიმიტრუ ბადეა დაესწრნენ.

 მათივე ინფორმაციით, მაღალი გამავლობის სპეც-მანქანა კრიტიკულ მდგომარეობაში მყოფი პაციენტების მომსახურებისთვის აუცილებელი ინვენტარითაა აღჭურვილი.

რეანომობილისა და ეკიპირების ღირებულება ჯამურად 70.000 ამერიკულ დოლარს შეადგენს. რეანომობილის მეშვეობით, რეფერალური შემთხვევების მართვა, პაციენტთა ადგილზე კონსულტაცია, მდგომარეობის სტაბილიზაცია და შესაბამის სამედიცინო დაწესებულებაში ტრანსპორტირება გახდება შესაძლებელი. ჯანდაცვის სამინისტროს საგანგებო სიტუაციების მართვისა და კოორდინაციის რეჟიმის დეპარტამენტი რეანომობილს რეფერალური პროგრამის განსახორციელებლად სასწრაფო სამედიცინო დახმარების ცენტრს გადასცემს. რეგიონული სასწრაფო რეფერალური პროგრამის მართვას 2016 წლის ივნისიდან დაიწყებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკიმ ტრამპს რუსეთის წინააღმდეგ „ჯოჯოხეთური სანქციების“ დაწესება მოსთხოვა

მაჭავარიანი – „ენჯეოებმა“ სააკაშვილისგან იგრძნეს ბულინგი, წნეხს ვერ გაუძლეს და შეიყვანეს სიაში

მიხეილ სააკაშვილი – „საერთაშორისო გამჭვირვალობამ“ მაღიარა პოლიტიკურ პატიმრად, დიდი მადლობა, სჯობს გვიან, ვიდრე არასდროს

გერმანიაში დაზიანებული სადენების გამო, დიდ ქალაქებს შორის რკინიგზის მოძრაობა შეფერხდა