თბილისის სასწრაფო სამედიცინო დახმარების ცენტრმა ბრიტანული ცენტრის წმინდა ნიკოლოზის სახელობის სკოლის უფროსკლასელებს უმასპინძლა. 

თბილისის მერიის ინფორმაციით, ტრენინგცენტრში მოსწავლეები პირველად სარეანიმაციო ღონისძიებებს გაეცნენ და მანიკენებზე თავად სცადეს სამედიცინო  დახმარებისთვის აუცილებელი ელემენტარული მანიპულაციის ჩატარება.

სასწრაფო სამედიცინო დახმარების ცენტრის დირექტორის გიორგი ბუთხუზის განცხადებით, დღესდღეობით საზოგადოებაში გაზრდილია ინტერესი ცენტრის საქმიანობის მიმართ.

 დღევანდელი ღონისძიება საგანმანათლებლო ხასიათს ატარებს. სკოლის მოსწავლეები გაეცნენ იმ ღონისძიებებს, რომელიც აუცილებელია პირველადი სამედიცინო დახმარების აღმოსაჩენად. მისივე თქმი უკვე იციან ის ელემენტარული მანიპულაციები, რომელიც, შესაძლოა, ნებისმიერ მომენტში გამოადგეთ.

როგორც მოსწავლეებმა განაცხადეს, ასეთი ტრენინგი მათთვის ძალიან საინტერესო და მნიშვნელოვანია, რადგან შესაძლოა, თავად აღმოჩნდნენ ისეთ ვითარებაში, როცა ახლობელისთვის გადაუდებელი დახმარების აღმოჩენა გახდეს საჭირო.

დღესვე ბრიტანული ცენტრის წმინდა ნიკოლოზის სახელობის სკოლა სოციალურ აქცია „მე გზას ვუთმობ სასწრაფოს“ შეუერთდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„თეგეტამ“ რუსთავის ჭალის ტყის აღდგენისთვის გამწვანების აქცია გამართა

საპატრიარქომ იობის განათლება აღიარა და მას შესაბამისი ხარისხი მიანიჭა

აპრილში „ექსპრესნიუსი“ 1.7 მილიონჯერ წაიკითხეს, სოციალურ ქსელებში, ახალ ამბებს 11 მილიონი ადამიანი გაეცნო

რუსეთის ტერიტორიის მეოთხედი და მოსახლეობის 70% უკრაინული დრონების მოქმედების რადიუსში იმყოფება