თბილისში ვენური დაავადებების სამეცნიერო კონფერენცია გაიმართება.

კონფერენცია დღეს, სასტუმრო „რედისონ ბლუ ივერიაში“ (თბილისი, ვარდების მოედანი #1), 17:00 საათზე დაიწყება.

ღონისძიება ორ დღეს გაგრძელდება და მას ქართველ და უცხოელ ექიმებთან ერთად, კონფერენციას დაესწრება შრომის, ჯანმრთელობისა და სოციალური დაცვის მინისტრი დავით სერგეენკო და საფრანგეთის ელჩი საქართველოში.

ძირითადი მომხსენებელი იქნება პროფესორი ენტონი კომეროტა, ამერიკული ვენური ფორუმის გაიდლაინის თანაავტორი, სისხლძარღვთა ქირურგი, ამერიკის 5 გზის საუკეთესო ექიმი. პირველად საქართველოში, მოხდება ქვემო კიდურების ვენური დაავადების მკურნალობის ეროვნული გაიდლაინის წარდგენა, რომელსაც სისხლძარღვთა ასოციაციის პრეზიდენტი – პროფ. მამუკა ბოკუჩავა წარადგენს და ეს რეკომენდაციები გადაეცემა ყველა მონაწილეს.

ღონისძიება ეძღვნება ქვდ-ის გავრცელებისა და მკურნალობის თანამედროვე ასპექტებს. ქრონიკული ვენური დაავადება ვლინდება ისეთი სიმპტომებით როგორიცაა: ქვემო კიდურებში დაღლილობის, ტკივილის, დისკომფორტისა და შეშუპების შეგრძნება. აღსანიშნავია რომ მოსახლეობის 70%-ს ქრონიკული ვენური დაავადების სხვადასხვა ფორმა აწუხებს და საჭირობს დროულ და ადექვატურ მკურნალობას, რათა არ მოხდეს დაავადების პროგრესირება.

აღსანიშნავია, რომ ამერიკის შეერთებული შტატების ეროვნული გაიდლაინსა და რეკომენდაციებში, ისევე როგორც ქართულ ეროვნულ რეკომენდაციაში ხაზგასმით აღნიშნულია ფრანგული ფლებოტროპული პრეპარატი დეტრალექსი 1000 მილიგრამის გამოყენების დიდი მნიშვნელობა ქრონიკული ვენური დაავადების ნებისმიერ სტადიაზე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გერმანიაში დაზიანებული სადენების გამო, დიდ ქალაქებს შორის რკინიგზის მოძრაობა შეფერხდა

საქართველოს ეროვნულ ნაკრებს რამაზ სვანაძე უხელმძღვანელებს

ვილი სანიოლიმ ნაკრების მთავარი მწვრთნელის პოსტი დატოვა

ივანიშვილის რეჟიმმა ქვეყნიდან სომხეთში გააძევა ბელორუსელი ოპოზიციონერი რომელიც თავშესაფარს 5 წელი ელოდა