„ერთიანი ნაციონალური მოძრაობის“ სიის ათეულში მოქმედი პოლიტიკოსებიდან მხოლოდ დავით ბაქრაძე და ნიკა მელია იქნებიან, - ამის შესახებ „ექსპრესნიუსს“ პარტიის ერთ-ერთმა ლიდერმა მიხეილ მაჭავარიანმა განუცხადა.

მისივე ინფორმაციით, სიის ათეულში დანარჩენი 8 პირი საზოგადოებისთვის ცნობილი სახეები იქნებიან. ისინი, ვინც პოლიტიკაში აქამდე არასოდეს ყოფილა ჩართული.

მაჭავარიანის თქმით, ეს გახდა მთავარი მიზეზი იმის, რომ გიორგი ვაშაძეს პარტია დაეტოვებინა.

„პარტიის პოლიტსაბჭოზე საპარლამენტო სიის ფორმირების პრინციპი დავამტკიცეთ, სადაც ვთქვით, რომ პირველ ათეულში იქნებიან მხოლოდ ბაქრაძე და მელია. დანარჩენი 8 იქნება საზოგადოებისთვის ცნობილი სახეები, მაგრამ ისეთი პირები ვინც პოლიტიკაში აქამდე ჩართული არ ყოფილა. ვაშაძის სურვილი იყო, რომ აუცილებლად ყოფილიყო სიის ათეულში, რაც გაზიარებული არ იქნა, ამიტომ მან დაასწრო მოვლენებს და სიის ათეულის გამოქვეყნებამდე პარტია დატოვა“, - განუცხადა „ექსპრესნიუსს“ მიხეილ მაჭავარიანმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„თეგეტამ“ რუსთავის ჭალის ტყის აღდგენისთვის გამწვანების აქცია გამართა

საპატრიარქომ იობის განათლება აღიარა და მას შესაბამისი ხარისხი მიანიჭა

აპრილში „ექსპრესნიუსი“ 1.7 მილიონჯერ წაიკითხეს, სოციალურ ქსელებში, ახალ ამბებს 11 მილიონი ადამიანი გაეცნო

რუსეთის ტერიტორიის მეოთხედი და მოსახლეობის 70% უკრაინული დრონების მოქმედების რადიუსში იმყოფება