2016-05-05 11:31:28, 564 ნახვა

---

პრემიერი: ქუმსიშვილს არ მიეცა საშუალება, საზოგადოებისთვის მეტი ინფორმაცია მიეწოდებინა, არ ვიცით, ტექნიკური ხარვეზი იყო, თუ სხვა რამ

საქართველოს პრემიერმინისტრმა გიორგი კვირიკაშვილმა მთვრობის დღევანდელ სხდომაზე მინისტრებს მოუწოდა, სახელმწიფო პროგრამის - „აწარმოე საქართველოში“ ფარგლებში  განხორციელებული პროექტების შესახებ, საზოგადოებას  მეტი ინფორმაცია მიაწოდონ.

ამასთან, კვირიკაშვილმა  მადლობა გადაუხადა ეკონომიკის მინისტრს, რომელმაც რამდენიმე საწარმო ვიზუალურად კარგად წარადგინა. პრემიერმინისტრის თქმით, სამწუხაროა, რომ დიმიტრი ქუმსიშვილს არ მიეცა საშუალება, საზოგადოებისთვის მეტი ინფორმაცია მიეწოდებინა. პრემიერს არ დაუკონკრეტებია, თუ რას გულისხმობდა, თუმცა, სავარაუდოდ, გიორგი კვირიკაშვილი „რუსთავი2“-ის გადაცემა „არჩევანში“ მომხდარ ფაქტზე  საუბრობდა,  როცა ეკონომიკის მინისტრი  ეთერიდან ტექნიკური ხარვეზის მიზეზით გათიშეს.

„სამწუხაროდ მას არ მიეცა საშუალება, მეტი ინფორმაცია მიეწოდებინა. არ ვიცით, ეს ტექნიკური ხარვეზი იყო თუ სხვა რამ, მაგრამ მინდა, ყველა თქვენგანს მოვუწოდო, მაქსიმალურად შევეცადოთ, მეტი ინფორმაცია მივაწოდოთ ჩვენს საზოგადოებას ასეთი პროექტების შესახებ“, - მიმართა პრემიერმა მთავრობის წევრებს.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი