სასჯელაღსრულებისა და პრობაციის სამინისტროს N16 პენიტენციურ დაწესებულებას  საქართველოს ფეხბურთის ფედერაციის ვიცე-პრეზიდენტმა მიხეილ ჭუმბურიძემ და ვეტერანმა ფეხბურთელებმა საჩუქრად სპორტულ ინვენტარი გადასცეს.

სასჯელაღსრულების სამინისტროს ინფორმაციით, სპორტული ინვენტარი დაწესებულებას ერთ-ერთი მსჯავრდებულის წერილის საფუძველზე  გადაეცა.

ფეხბურთელებმა მსჯავრდებულებს  სპორტული მაისურები, ქუდები, ბურთები და სხვა საჭირო ინვენტარი გადასცეს. ფედერაციის წევრებმა   დაწესებულებაში არსებული კალათბურთის, ტენისისა და სპორტული დარბაზები დაათვალიერეს. შეხვედრის ბოლოს კი   მსჯავრდებულებთან ერთად  ფეხბურთი ითამაშეს.

 „მნიშვნელოვანია მსჯავრდებულებთან ურთიერთობა და ფეხბურთის ფედერაცია შეძლებისდაგვარად ცდილობს მათთან  კონტაქტი ჰქონდეს.  სპორტული ინვენტარი დაწესებულებაში სწორედ   ერთ-ერთი მსჯავრდებულის თხოვნით შემოვიტანეთ და მომავალშიც გავაგრძელებთ სასჯელაღსრულებისა და პრობაციის სამინისტროსთან თანამშრომლობას“, - განაცხადა  კახა ჭუმბურიძემ.

შეხვედრა სასჯელაღსრულებისა და პრობაციის სამინისტროს ინიციატივით, მსჯავრდებულების რეაბილიტაცია-რესოციალიზაციის ფარგლებში, ჩატარდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისში შაბათის ტრადიციული მარში გაიმართა

ბათუმში, 22 ივლისს მომხდარ დაჭრის საქმეზე პოლიციამ არასრულწლოვანი დააკავა

პატრიარქმა კირილმა ბირთვული იარაღის შექმნას „ღვთაებრივ გეგმას“ უწოდა

ფონ დერ ლაიენი: სეუტიდან ვერცერთმა მიგრანტმა ვერ შეძლო ესპანეთის მატერიკულ ნაწილში ჩასვლა