უკრაინის ქალაქ ნიკოლაევში დღეს საინვესტიციო ფორუმი "ნიკოლაევი-ბათუმი" გაიხსნა.  

ფორუმის ფარგლებში უცხოელი პარტნიორები საქართველოში ბიზნესის დაწყების რეგულაციებს, აჭარის რეგიონის საინვესტიციო პოტენციალს, ასევე საინვესტიციო და საპრივატიზაციო ობიექტებს ეცნობიან.

ფორუმი აჭარის ა.რ მთავრობის თავმჯდომარემ არჩილ ხაბაძემ გახსნა. მთავრობის ხელმძღვანელი ფორუმის მონაწილეებს მიესალმა. არჩილ ხაბაძემ სიტყვით გამოსვლისას აჭარის რეგიონის საინვესტიციო პოტენციალზე და ორ რეგიონს შორის სამომავლო თანამშრომლობაზე ისაუბრა.

ფორუმი აჭარის ავტონომიური რესპუბლიკის ფინანსთა და ეკონომიკის სამინისტროსა და ნიკოლაევის ოლქის სახელმწიფო ადმინისტრაციის ორგანიზებით იმართება. დელეგაციის წარმომადგენლები პოტენციურ ინვესტორებთან, ადგილობრივ კომპანიებთან და სხვა დაინტერესებულ მხარეებთან შეხვედრებს მართავენ.

ფორუმზე ქ.ნიკოლაევის წარმომადგენლებს აჭარის რეგიონის საინვესტიციო შესაძლებლობებზე ინფორმაცია აჭარის ფინანსთა და ეკონომიკის სამინისტროს მიერ მომზადებული სპეციალური პრეზენტაციით მიეწოდათ. ფორუმის მონაწილეები ასევე აჭარის რეგიონის ინგლისურენოვან საინვესტიციო ვიდეო რგოლს გაეცნენ. პრეზენტაციას ასევე აჭარის ტურიზმისა და კურორტების დეპარტამენტის წარმომადგენელი გამართავს.

ქ.ნიკოლაევში სამინისტროს დელეგაციასთან ერთად, აჭარაში სხვადასხვა სექტორში, კერძოდ მშენებლობის, ტურიზმის და ლოჯისტიკის სფეროში მოღვაწე კერძო კომპანიების წარმომადგენლებიც იმყოფებიან. ისინი თავიანთ გამოცდილებას ადგილობრივ ინვესტორებს გაუზიარებენ.

პრეზენტაციების შემდეგ ბიზნესმენთა პირისპირ შეხვედრები გაიმართება, რაც ქართულ და უკრაინულ კომპანიებს შორის ბიზნეს ურთიერთობების დამყარებას შეუწყობს ხელს. დელეგაცია უკრაინას 27 აპრილს დატოვებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თვეების განმავლობაში მიმდინარე დავის შემდეგ, ტრამპმა დანიასთან და გრენლანდიასთან შეთანხმებას მოაწერა ხელი

Iltalehti: ბალტიისპირეთის თავდაცვის მინისტრებმა ფონ დერ ლაიენს საიდუმლო წერილი მისწერეს

მაკრონი: ირანის დაბომბვა ქვეყანაში ხელისუფლების შეცვლას არ გამოიწვევს

სახელმწიფო მდივანმა განაცხადა, რომ პუტინი უკრაინის წინააღმდეგ ომში გამარჯვებას ვერ შეძლებს