არავითარი პრობლემა იმასთან დაკავშირებით, რომ საქართველომ მიიღოს ვიზალიბერალიზაციის რეჟიმი, არ არსებობს, - ამის შესახებ  საპარლალმენტო ფრაქცია „ქართული ოცნების“ თავმჯდომარემ, გია ვოლსკიმ ჟურნალისტებთან საუბრისას განაცხადა.

დეპუტატის თქმით, იმ უამრავი პრობლემის მიუხედავად, რომელიც პატარა ქვეყანას დაატყდა თავს, საქართველოს ღირსეული ადგილი უნდა ეკავოს ევროპულ ოჯახში.

“პოლიტიკური ევროპული ხელისუფლებების შეხედულება სწორედ ასეთია, მაგრამ მე აქცენტს გავაკეთებდი იმაზე, თუ რას წარმოადგენს საქართველო ახლა. ეს არის 21-ე საუკუნის განვითარებული ევროპული ქვეყანა, განვითარებული ხედვებით, პოლიტიკური სისტემით, სტაბილურობით.

ეს არ არის თემა, რომელიც უკავშირდება მხოლოდ საქართველოს სურვილს. ევროპული სურვილიც არის, რომ მათ რიგებს შეემატოს ქვეყანა, რომელიც ზუსტად იმსახურებს და პოლიტიკურადაც მნიშვნელოვანია ამ თვალსაზრისით", - განაცხადა გია ვოლსკიმ.

ცნობისთვის, ევროპის პარლამენტი საქართველოსთვის უვიზო რეჟიმის დაწესების საკითხის განხილვას დღეიდან იწყებს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„თეგეტამ“ რუსთავის ჭალის ტყის აღდგენისთვის გამწვანების აქცია გამართა

საპატრიარქომ იობის განათლება აღიარა და მას შესაბამისი ხარისხი მიანიჭა

აპრილში „ექსპრესნიუსი“ 1.7 მილიონჯერ წაიკითხეს, სოციალურ ქსელებში, ახალ ამბებს 11 მილიონი ადამიანი გაეცნო

რუსეთის ტერიტორიის მეოთხედი და მოსახლეობის 70% უკრაინული დრონების მოქმედების რადიუსში იმყოფება