ხევის საზოგადოებრივ ცენტრში ტრენინგი "სამართალი და ადამიანის უფლებები“ ჩატარდა

2016-04-11 18:21:56, 581 ნახვა

საზოგადოება

იუსტიციის სასწავლო ცენტრის ორგანიზებით, სოფელ ხევის საზოგადოებრივ ცენტრში ტრენინგი "სამართალი და ადამიანის უფლებები“ ჩატარდა.

ტრენინგის მონაწილეებმა შეიტყვეს თუ რა არის სამართალი, რა როლს თამაშობს სამართალი მათ ყოველდღიურ ცხოვრებაში, ასევე მიიღეს ინფორმაცია, რა მნიშვნელობა აქვს ადამიანის ძირითად უფლებებსა და თავისუფლებებს სახელმწიფოში. ტრენინგი გაჯერებული იყო პრაქტიკული სავარჯიშოებით, რაც მონაწილეებს თეორიული საკითხების უკეთ გააზრებაში დაეხმარა.

სოფელ ხევის საზოგადოებრივ ცენტრში კიდევ ოთხი ტრენინგი ჩატარდება აქტუალურ და მნიშვნელოვან სამართლებრივ თემებზე.

ტრენინგების მიზანია ადგილობრივი მოსახლეობაში სამართლებრივი ცნობიერების ამაღლება, რაც ხორციელდება უფასო ტრენინგების ადგილზე, საზოგადოებრივ ცენტრებში ორგანიზებით.

აღსანიშნავია, რომ იუსტიციის სასწავლო ცენტრი ანალოგიურ ტრენინგებს აპრილის ბოლომდე ჩაქვისა და ორსანტიის საზოგადოებრივ ცენტრებში ჩაატარებს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან