მთავრობასა და „გილეადს“ შორის C ჰეპატიტის ელიმინაციის ათწლიანი პროგრამის ხელშეკრულება გაფორმდა

2016-04-18 15:58:48, 584 ნახვა

საზოგადოება

საქართველოს მთავრობასა და კომპანია „გილეადს“ შორის C ჰეპატიტის ელიმინაციის ათწლიანი პროგრამის ხელშეკრულება გაფორმდა.

დოკუმენტს ხელი შრომის, ჯანმრთელობისა და სოციალური დაცვის მინისტრის მოადგილემ, ვალერი კვარაცხელიამ და კომპანია „გილეადის“ აღმასრულებელმა დირექტორმა ჯონ მარტინმა მოაწერეს.

ჯანდაცვის სამინისტროს ინფორმაციით, გრძელვადიანი ხელშეკრულება კომპანიის მხრიდან C ჰეპატიტის ვირუსის სრულ ელიმინაციამდე მედიკამენტით უწყვეტ უზრუნველყოფას გულისხმობს.

ხელმოწერის ცერემონიას ამერიკის შეერთებული შტატების დაავადებათა კონტროლის წარმომადგენლები, ესპანეთში საქართველოს საგანგებო და სრულუფლებიანი ელჩი ზურაბ პოლოლიკაშვილი, საპარტნიორო ფონდის აღმასრულებელი დირექტორი დავით საგანელიძე და სხვა ოფიციალური პირები ესწრებოდნენ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან