ქართული დიპლომატიის მუშაობაზეა დამოკიდებული ჩაიდება თუ არა ეს პუნქტი ვიზალიბერალიზაციის საკითხთან დაკავშირებით, - ასე ეხმაურება ფონდ „ღია საზოგადოება - საქართველოს“ ევროინტეგრაციის მიმართულების მენეჯერი ვანო ჩხიკვაძე გერმანული მედიით გავრცელებულ ინფორმაციას, რომლის მიხედვითაც ევროკავშირმა შესაძლოა ვიზალიბერალიზაციის საკითხზე ახალი პუნქტი ჩაამატოს, რაც სავიზო რეჟიმის აღდგენას გულისხმობს.

როგორც ვანო ჩხიკვაძემ „ექსპრესნიუსს“ განუცხადა, ჯერ გერმანული მედიით გავრცელებული ინფორმაცია უნდა დადასტურდეს. კონკრეტულად საუბარი ამის შემდეგ იქნება შესაძლებელი.

„გერმანული გამოცემის მიერ გავრცელებულ ინფორმციას მეც ახლახანს გავეცანი. ეს საკითხი ჯერ-ჯერობით დეტალურად არ შემისწავლია. აქედან გამომდინარე ამ ეტაპზე რაიმე კონკრეტულის თქმა გამიჭირდება. ვნახოთ როგორ განვითარდება მოვლენები - რამდენად შეძლებს საქართველოს ხელისუფლება დაარწმუნოს ევროკავშირი, რომ ამ პუნქტის ჩადება საჭირო არ არის.

რა თქმა უნდა ახლა ქართული დიპლომატიის მუშაობაზეა დამოკიდებული ჩაიდება თუ არა ეს პუნქტი ვიზალიბერალიზაციის საკითხთან დაკავშირებით. თუ პროცესი დიდად არ დაზიანდება, მაშინ შეიძლება ამ პუნქტის ჩადება. ეს მოალაპარაკების საგანია. ამ შემთხვევაში გერმანიის და საფრნგეთის მხარესთან.

თუმცა გერმანული გამოცემის მიერ გავრცელებული ინფორმაცია მაინც უნდა გადამოწმდეს. ამ თემაზე კონკრეტულად საუბარი  მისი დადასტურების შემდეგ შეგვეძლება“, - განუცხადა ვანო ჩხიკვაძემ „ექსპრესნიუსს“.

ცნობისთვის, გერმნაული გამოცემა Die Welt am Sonntag დიპლომატიურ წყაროებზე დაყრდნობით წერს, რომ ევროკავშირმა საქართველოსთვის, უკრაინისთვის თურქეთისთვის და კოსოვოსთვის სავიზო რეჟიმის გაუქმების შესახებ შეთანხმებაში შესაძლოა, ახალი პუნქტი ჩაამატოს, რაც ევროკავშირის წევრ ქვეყნებს საჭიროების შემთხვევაში, სავიზო რეჟიმის აღდგენის უფლებას მისცემს.

როგორც გამოცემა აღნიშნავს, დამატებით პუნქტთან დაკავშირებით ევროკავშირის წევრებს საბოლოო გადაწყვეტიელბა მიღებული ჯერ არ აქვთ და ამ საკითხის განხილვა 21 აპრილს ლუქსემბურგში საგარეო საქმეთა მინისტრების შეხვედრაზე იგეგმება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ განაცხადა, რომ Starshield-მა 400 კმ/სთ-ზე მეტი სიჩქარე აღადგინა.

კობახიძე ღია რუსული პარტიების აკრძალვაზე უკრაინაში - პარტიების აკრძალვაზე არავის უთქვამს, რომ დემოკრატიის პრინციპს შეიძლება უკავშირდებოდეს

კობახიძე – საკონსტიტუციო სასამართლოში შეტანილი სარჩელი ეხება ერთი პოლიტიკური პარტიის არაკონსტიტუციურად გამოცხადებას, ამ პარტიას ჰქვია კოლექტიური „ნაცმოძრაობა“

კობახიძე – არავის აქვს უფლება, ჩაერიოს მართლმსაჯულების დამოუკიდებლობაში, რასაც ცდილობენ ბიუროკრატები