სლოვაკეთის დედაქალაქში მიმდინარე გლობალური უსაფრთხოების ფორუმის ფარგლებში საქართველოს თავდაცვის მინისტრმა  შეხვედრები ბიზნესსექტორის წარმომადგენლებთანაც გამართა.

ბრატისლავაში, სასტუმრო „გრანდ ჰოტელ რივერ პარკში“ თინათინ ხიდაშელი თავდაცვისა და უსაფრთხოების სისტემების მწარმოებელი კომპანიების - SAAB-ის მარკეტინგის ხელმძღვანელს ევროპაში, ახლო აღმოსავლეთსა და აფრიკაში, მაგნუს ლევის-ოლსონსა და Microsoft-ის პრეზიდენტს ცენტრალურ და აღმოსავლეთ ევროპაში, დონ გრენთემს ასევე Virtual Reality Media-ს გამგეობის თავმჯდომარეს იულიუს ბერითს შეხვდა.

ბიზნესის სფეროს წარმომადგენლეთან შეხვედრა თავდაცვის მინისტრმა შეაჯამა. როგორც მან აღნიშნა, მსგავსი კომპანიების ინვესტიციები საქართველოს ძალიან წაადგება. „ჩვენი ინტერესია, რაც შეიძლება მეტი ინვესტიცია იყოს საქართველოში, რაც შეიძლება მეტი კომპანია დავაინტერესოთ ჩვენი ქვეყნით მიმდინარე პროექტების ფარგლებში, მათ შორის თავდაცვის სფეროშიც. თუ მოვახერხეთ და შემოვიყვანეთ ასეთ დიდ კომპანიებს, მხოლოდ ჩვენ ქვეყანას წაადგება და ასევე, საიმედო პარტნიორები იქნებიან ბევრი სხვადასხვა მიმართულებით. დაიგეგმა SAAB-ის წარმომადგენლების ვიზიტი საქართველოში. იმედი მაქვს, რომ სულ რამდენიმე თვეში ჩვენ მათ თბილისში ვნახავთ და უკვე ადგილზე გავაგრძელებთ საუბარს,“ - განაცხადა თიანთინ ხიდაშელმა.   

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპსა და ზელენსკის შეხვედრის შემდეგ, შესაძლოა Patriot-ის წარმოების ლიცენზია უკრაინას გადაეცეს

აშშ-ის სანქციების გამო, თურქეთმა ირანთან საავიაციო და საბანკო ურთიერთობების გაწყვეტა დაიწყო

ევროკავშირმა, საფრანგეთისა და ლუქსემბურგის ზეწოლის ქვეშ, უსმანოვისა და ფრიდმანის წინააღმდეგ სანქციები მოხსნა

გერმანიაში, ამერიკულ საჰაერო ბაზაზე თვითმფრინავი ჩამოვარდა, პილოტი კატაპულტირების შემდეგ გადარჩა