"აუდიტორია 115"-ის ინფორმაციით, სტუდენტების მიერ არჩეულ წარმომადგენელს მთავრობის საპარლამენტო მდივანი შეხვდება

2016-04-16 17:02:13, 711 ნახვა

საზოგადოება

აქციის ერთ-ერთი ორგანიზატორის ლევან ლორთქიფანიძის განცხადებით, „აუდიტორია 115“-ის წევრებს მთავრობის ადმინისტრაციიდან გამოეხმაურნენ.

როგორც ლორთქიფანიძემ აღნიშნა, მათ მთავრობის საპარლამენტო მდივანი შალვა თადუმაძე დაეკონტაქტათ.

„მთავრობის წარმომადგენელი მზად არის ჩვენი მხრიდან არჩეულ ერთ წარმომადგენელს შეხვდეს. ისინი კომუნიკაციაზე გამოვიდნენ. შეხვედრაზე სავარაუდოდ, ისაუბრებენ, როდის იქნება შესაძლებელი პრემიერთან შეხვედრა, თუმცა შეიძლება შეხვედრა არც შედგეს. ვიმედოვნებთ, რომ პრემიერი პირადად გამოვა ჩვენთან კონტაქტზე“, - განაცხადა ლევან ლორთქიფანიძემ.

ცნობისთვის მთავრობის ადმინისტრაციის შენობასთან სტუდენტებმა აქცია გამართეს. ისინი განათლების სისტემის რეფორმას და პრემიერ-მინისტრთან შეხვედრას ითხოვენ. ამ დროისთვის მთავრობის ადმინისტრაციასთან აქცია დასრულებულია.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან