აქციის მონაწილეები თსუ-ს I კორპუსიდან მსვლელობით მთავრობის ადმინისტრაციისკენ მიემართებიან

2016-04-16 15:20:46, 684 ნახვა

საზოგადოება

თბილისის სახელმწიფო უნივერსიტეტის პირველ კორპუსთან მიმდინარე აქციის მონაწილეები სლოგანით „თავისუფლება, თანასწორობა, სოლიდარობა“ მთავრობის ადმინისტრაციის შენობისკენ მიემართებიან.

როგორც ადგილიდან „ექსპრესნიუსის“ კორესპონდენტი იუწყება, აქციას ტექნიკური უნივერსიტეტის სტუდენტები და მოშიმშილე ლექტორები შეუერთდნენ.

აქციის ერთ-ერთი ორგანიზატორის, ლევან ლორთქიფანიძის განცხადებით, თუ პრემიერ-მინისტრი მათთან არ მივა, „აუდიტორია 115“-ის წევრები თსუ-ს მეექვსე კორპუსს არ დატოვებენ.

მისივე თქმით, სტუდენტებს ვინმემ უნდა უპასუხოს და განათლების ფუნდამენტურ რეფორმაზე პასუხისმგებლობა აიღოს.

„16 მარტს უნივერსიტეტიდან ერთადერთი პირობით გამოვედით, რომ თუ ჩვენ ისევ მოგვატყუებდნენ და შემოგვთავაზებდნენ ფსევდორეფორმებს, დავბრუნდებოდით უკან. ვერ ვხვდებით, თუ რა უდგას წინ, რომ რექტორი ყველამ ერთად აირჩიოს“, - განაცხადა ლევან ლორთქიფანიძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან