|
2016-04-16 13:24:48, 364 ნახვა
პოლიტიკა
მიროსლავ ლაიჩეკი: სლოვაკეთი უპირობოდ უჭერს მხარს საქართველოს ტერიტორიულ მთლიანობას
სლოვაკეთის დედაქალაქში მიმდინარე მე-10 საიუბილეო გლობალური უსაფრთხოების ფორუმის ფარგლებში საქართველოს თავდაცვის მინისტრი ორმხრივ შეხვედრებს განაგრძობს. თავდაცვის სამინისტროს ინფორმაციით, ბრატისლავაში ვიზიტის მეორე დღე თინათინ ხიდაშელმა სლოვაკეთის რესპუბლიკის საგარეო და ევროპულ საქმეთა მინისტრთან მიროსლავ ლაიჩეკთან შეხვედრით დაიწყო. უწყების ცნობით, საუბრის მთავარი თემები საქართველოს ევრო-ატლანტიკურ სტრუქტურებში ინტეგრაციის საკითხები, ქვეყნის შიგნით მიმდინარე პოლიტიკური პროცესები და რეგიონში გააქტიურებული რუსული პროპაგანდა იყო. როგორც მიროსლავ ლაიჩეკმა აღნიშნა, სლოვაკეთი უპირობოდ უჭერს მხარს საქართველოს ტერიტორიულ მთლიანობას. მისივე თქმით, საქართველო ნატოსთან დაახლოებისთვის ძალღონეს არ იშურებს და ახლა ნატოს წევრებს ამ მიმართულებით უფრო მეტის გაკეთება შეუძლიათ. „საქართველოს მიმართ სრული მხარდაჭერა გამოიხატა. მინისტრი საქართველოში მაისის ბოლოს ჩამოვა და სლოვაკეთის მხარდაჭერას კიდევ ერთხელ გაახმოვანებს ვიზალიბერალიზაციის პროცესშიც, ვარშავის სამიტისთვისაც. ეს ის ქვეყნებია, რომლებიც ჩვენთან ერთად იბრძვიან საქართველოს წარმატებისთვის. ამიტომ, მხოლოდ მადლობა შეგვიძლია ვუთხრათ და იმედი დავიტოვოთ, რომ ეს ერთობლივი მცდელობა წარმატებით დასრულდება“, - განაცხადა თინათინ ხიდაშელმა შეხვედრის დასრულების შემდეგ. სლოვაკეთის საგარეო და ევროპულ საქმეთა მინისტრი მიროსლავ ლაიჩეკი მაისის ბოლოს საქართველოში ოფიციალური ვიზიტით ჩამოვა. ის სლოვაკეთის რესპუბლიკის პრეზიდენტის ანდრეი კისკას დელეგაციის შემადგენლობაში იქნება.
„თეგეტამ“ რუსთავის ჭალის ტყის აღდგენისთვის გამწვანების აქცია გამართა
საპატრიარქომ იობის განათლება აღიარა და მას შესაბამისი ხარისხი მიანიჭა
აპრილში „ექსპრესნიუსი“ 1.7 მილიონჯერ წაიკითხეს, სოციალურ ქსელებში, ახალ ამბებს 11 მილიონი ადამიანი გაეცნო
რუსეთის ტერიტორიის მეოთხედი და მოსახლეობის 70% უკრაინული დრონების მოქმედების რადიუსში იმყოფება
|
რედაქტორის რჩევით
რა მეთოდები გამოიყენება ჟურნალისტებისა და მედიის დისკრედიტაციისთვის
რეჟიმის მიერ წნეხში მოქცეული ქართული მედია - როგორ ხვდება ოცნების პირობებში პრესის თავისუფლების დღეს საქართველო
ომი უკრაინაში
პოლტავის რეგიონში რუსეთის საჰაერო დარტყმის შედეგად ოთხი ადამიანი დაიღუპა, 31 დაიჭრა
ზელენსკიმ 5-6 მაისის ღამეს ცეცხლის შეწყვეტა გამოაცხადა
ვიდეო/LIVE პატრიარქის ილია მეორის დაკრძალვა - პირდაპირი
უვიზო მიმოსვლის შეჩერებაზე ოცნება იქნება პასუხისმგებელი - ევროპარლამენტის ანგარიშის პროექტი
დღის თემა
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



epn.ge (@expressnews.ge)