"თუ დადასტურდება, რომ სალუქვაძე [გურიის გუბერნატორი] საჯაროდ აჩენებდა კადრებს, საკადრო ცვლილებებზე გადაწყვეტილებას აუცილებლად მივიღებ" - ასე უპასუხა პრემიერმა გიორგი კვირიკაშვილმა ჟურნალისტის მიერ გურიის გუბერნატორზე დასმულ შეკითხვას.

პრემიერი აცხადებს, რომ მან ვერ მოიძია ფაქტები, რომ გურიის გუბერნატორი ძალადობის ამსახველი კადრების ჩვენების ორგანიზებას ახდენდა. 

მისი თქმით, ამ კადრების არსებობა ამაზრზენია და არანაკლებ საშინელებაა მისი ღია სივრცეში ჩვენება. 

"საკადრო ცვლილებები აქამდეც იყო და მომავალშიც არ არის გამორიცხული, მაგრამ ეს უნდა იყოს სამართლიანი ცვლილებები, თუ დადასტურდება, რომ სალუქვაძე პირადად ახდენდა ორგანიზებას საჯარო ჩვენების, წამების კადრების, გიდასტურებთ, რომ ამ გადაწყვეტილებას აუცილებლად მივიღებ. ჩემთვის ეს არის ამაზრზენი ფაქტი. ეს კადრები რომ ბუნებაში არსებობს, თავისთავად ამაზრზენი ფაქტია. ეს არის საშინელება რომ ეს კადრები არსებობს, მაგრამ არანაკლები საშინელებაა, რომ ღია სივრცეში ეს კადრები ვაჩვენოთ. ამ კადრების გავრცელების ერთადერთი მიზანი გახლავთ  ის, რომ ჩვენი დადებითი პოზიტიური დღის წესრიგი შეცვალონ და გადაიტანონ ყურადღება ისეთ რაღაცებზე რაც არის ამაზრზენი. ჩვენ დავამკვიდრებთ უფრო მაღალ სტანდარტს, ეს სტანდარტი იქნება გაცილებით მეტი პატივისცემა ჩვენმოქლაქეების," - განაცხადა გიორგი კვირიკაშვლმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ განაცხადა, რომ Starshield-მა 400 კმ/სთ-ზე მეტი სიჩქარე აღადგინა.

კობახიძე ღია რუსული პარტიების აკრძალვაზე უკრაინაში - პარტიების აკრძალვაზე არავის უთქვამს, რომ დემოკრატიის პრინციპს შეიძლება უკავშირდებოდეს

კობახიძე – საკონსტიტუციო სასამართლოში შეტანილი სარჩელი ეხება ერთი პოლიტიკური პარტიის არაკონსტიტუციურად გამოცხადებას, ამ პარტიას ჰქვია კოლექტიური „ნაცმოძრაობა“

კობახიძე – არავის აქვს უფლება, ჩაერიოს მართლმსაჯულების დამოუკიდებლობაში, რასაც ცდილობენ ბიუროკრატები