გენერალ გიორგი კვინიტაძის სახელობის კადეტთა სამხედრო ლიცეუმის დირექტორი და კადეტები თბილისში მდებარე „საქართველოს SOS ბავშვთა სოფელს“ ესტუმრნენ და საინფორმაციო შეხვედრა გამართეს.

კადეტებმა „საქართველოს SOS ბავშვთა სოფლის“ ბინადრებს ლიცეუმის საქმიანობის, მიზნებისა და სასწავლო პროცესის შესახებ პრეზენტაცია წარუდგინეს. კადეტთა სამხედრო ლიცეუმის დირექტორმა, პოლკოვნიკმა ალექსი კეკელიამ მოზარდებს ლიცეუმის უპირატესი მხარეები, მიღებისა და ცხოვრების პირობები გააცნო და მათ კითხვებს უპასუხა.

გენერალ გიორგი კვინიტაძის სახელობის კადეტთა სამხედრო ლიცეუმი ახალი აკადემიური წლისთვის ემზადება. ამ მიზნით სასწავლებლის ხელმძღვანელობა და კადეტები რეგიონების მოსწავლეებთან საჯარო შეხვედრებს საქართველოს მასშტაბით მართავენ.

„საქართველოს SOS ბავშვთა სოფელში“ თავდაცვის სამინისტროს წარმომადგენლები - ბექა კობახიძე და დავით ძიძიშვილიც იმყოფებოდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა პირობა დადო, რომ ჰორმუზის სრუტეს აშშ-ის ტერიტორიად გამოაცხადებდა

უკრაინამ „ფლამინგოს“ ტიპის რაკეტა დაარტყა სამარის კოსმოსურ ცენტრს, რომელიც რუსული Starlink-ის ეკვივალენტისთვის რაკეტებს აწარმოებს

სუს-მა დიდი ოდენობით თაღლითობისა და თაღლითობის მცდელობის ფაქტზე, საქართველოს ხუთი და თურქეთის რესპუბლიკის ერთი მოქალაქე დააკავა

სამართალდამცველებმა ჯგუფურად ჩადენილი ქურდობისა და ძარცვის ბრალდებით 5 არასრულწლოვანი დააკავეს