„ვფიქრობ, რომ ევროპარლამენტში ჩვენი კოლეგები ძალიან პოზიტიურად არიან განწყობილნი საქართველოს მიმართ, რადგან საქართველომ ბოლო ორი წლის განმავლობაში მართლაც დადებით შედეგებს მიაღწია“, - ამის შესახებ ევროპის სახალხო პარტიის პოლიტიკურმა  კოორდინატორმა, მონიკა ჰოლმაიერმა, სტრასბურგში საქართველოს საგარეო საქმეთა მინისტრთან, მიხეილ ჯანელიძესთან გამართული შეხვედრის შემდეგ განაცხადა.

როგორც „ექსპრესნიუსს“ საგარეო საქმეთა სამინისტროდან აცნობეს, ჰოლმაიერის განცხადებით, ევროპარლამენტის მართლმსაჯულებისა და შინაგან საქმეთა კომიტეტში საქართველოს საკითხის განხილვა უახლოეს დღეებში მოხდება.

 „ვფიქრობ, რომ ევროპარლამენტში ჩვენი კოლეგები ძალიან პოზიტიურად არიან განწყობილნი საქართველოს მიმართ, რადგან საქართველომ ბოლო ორი წლის განმავლობაში მართლაც დადებით შედეგებს მიაღწია. საქართველო ძალიან მჭიდროდ თანამშრომლობს როგორც ევროკავშირის წევრ ქვეყნებთან, ასევე ევროკომისიასთან. რაიმე დაბრკოლების არსებობის შემთხვევაში, დარწმუნებული ვარ, რომ ჩვენ მოკლე დროში გადავჭრით ამ პრობლემებს" - განაცხადა ევროპის სახალხო პარტიის პოლიტიკურმა  კოორდინატორმა, მონიკა ჰოლმაიერმა, სტრასბურგში საქართველოს საგარეო საქმეთა მინისტრთან, მიხეილ ჯანელიძესთან გამართული შეხვედრის შემდეგ.

 მისივე ინფორმაციით, ევროპარლამენტის მართლმსაჯულებისა და შინაგან საქმეთა კომიტეტში საქართველოს საკითხის განხილვა უახლოეს დღეებში მოხდება.

ცნობისთვის, საფრანგეთის ქალაქ სტრასბურგში საქართველოს საგარეო საქმეთა მინისტრის ვიზიტი 2016 წლის 13-14 აპრილს გაიმართა.  ვიზიტის ფარგლებში, საქართველოს საგარეო საქმეთა მინისტრმა ევროპარლამენტსა და ევროპის საბჭოში შეხვედრები გამართა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ განაცხადა, რომ Starshield-მა 400 კმ/სთ-ზე მეტი სიჩქარე აღადგინა.

კობახიძე ღია რუსული პარტიების აკრძალვაზე უკრაინაში - პარტიების აკრძალვაზე არავის უთქვამს, რომ დემოკრატიის პრინციპს შეიძლება უკავშირდებოდეს

კობახიძე – საკონსტიტუციო სასამართლოში შეტანილი სარჩელი ეხება ერთი პოლიტიკური პარტიის არაკონსტიტუციურად გამოცხადებას, ამ პარტიას ჰქვია კოლექტიური „ნაცმოძრაობა“

კობახიძე – არავის აქვს უფლება, ჩაერიოს მართლმსაჯულების დამოუკიდებლობაში, რასაც ცდილობენ ბიუროკრატები