18:35 - 22 Nov, 2026
ჩვენ შესახებ რეკლამა/ხელმოწერა
2026-11-22 10:19:50, 793 ნახვა

საზოგადოება
მიტროპოლიტი თეოდორე პატრიარქ კირილეს - ჩვენთვის აბსოლუტურად მიუღებელია ისეთი ადამიანის აღიარება, ვინც არ არის ხელდასხმული და ჩვენ არ დავემორჩილებით არანაირ ზეწოლას

მოსკოვში, დანილოვის მონასტერში, საპატრიარქო და სინოდალურ რეზიდენციაში, მოსკოვისა და სრულიად რუსეთის პატრიარქი კირილი შეხვდა საქართველოს მართლმადიდებლური ეკლესიის დელეგაციას, რომელიც მოსკოვში ჩავიდა მოსკოვისა და სრულიად რუსეთის პატრიარქის, კირილეს, 80 წლის იუბილესადმი მიძღვნილ ღონისძიებებში მონაწილეობის მისაღებად.

ახალციხისა და ტაო-კლარჯეთის მიტროპოლიტმა თეოდორემ, თავის მხრივ, მადლობა გადაუხადა მის უწმინდესობას მოსკოვში ვიზიტისა და მისი უწმინდესობის 80 წლის იუბილეს აღნიშვნაში მონაწილეობის მოწვევისთვის.

„თქვენ იცით, რომ ჩვენ, საქართველოს მართლმადიდებელ ეკლესიაში, ყოველთვის ვიცავდით და გავაგრძელებთ კანონიკური სამართლის დაცვას. ჩვენთვის აბსოლუტურად მიუღებელია ისეთი ადამიანის აღიარება, ვინც არ არის ხელდასხმული და ჩვენ არ დავემორჩილებით არანაირ ზეწოლას“, - დაარწმუნა მიტროპოლიტმა თეოდორემ. „ძალიან გვიხარია, რომ თქვენ, თქვენო უწმინდესობავ, ასე მტკიცედ დგახართ მართლმადიდებლობის მხარეს და ჩვენ თქვენთვის ვილოცებთ“.

 2019 წლის იანვარში კონსტანტინოპოლის მსოფლიო საპატრიარქოს მიერ ტომოსის გაცემის შემდეგ, საქართველოს ეკლესიის წმინდა სინოდს საკითხზე ოფიციალური დადგენილება არ მიუღია. საპატრიარქოში წლების განმავლობაში აცხადებდნენ, რომ გადაწყვეტილების მიღებას არ ჩქარობენ, დოკუმენტს სწავლობენ და ელოდებიან, როგორ განვითარდება პროცესები მსოფლიო მართლმადიდებლურ სამყაროში. 

 სინოდის წევრებს შორის საკითხზე ერთიანი პოზიცია არ არსებობს — მღვდელმთავართა ნაწილი უკრაინის ეკლესიის დამოუკიდებლობას უჭერს მხარს, ნაწილი კი მოსკოვის საპატრიარქოს პოზიციას იზიარებს.





ავტორი: მარიამ იმერლიშვილი, ექსპრესნიუსის რეპორტიორი 2020 წლიდან


სოციალური ქსელები
ტრამპმა განაცხადა, რომ FBI-ზე კიბერშეტევა შესაძლოა აშშ-სთვის სასარგებლო იყოს
მეუფე იობი: პატრიარქი კირილი არის მაკურთხებელი ომის და სისხლისღვრის
გალუზინი- შეთანხმდა, რომ რუსეთ-საქართველოს პირდაპირი დიალოგი ახალი ფორმატით და რეგულარულად დამყარდება
მეუფე იობი ოცნებაზე - რომ დავინახე, გადაუხვიეს და სხვა მდგომარეობა შეიქმნა, უკვე მხილება იყო საჭირო
რედაქტორის რჩევით

ომი უკრაინაში

ვიდეო/LIVE

პატრიარქის ილია მეორის დაკრძალვა - პირდაპირი








არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics