|
2026-11-21 02:54:32, 1565 ნახვა
მსოფლიო
ტრამპი: პუტინმა შეცდომით პოლონეთში რამდენიმე მცირე ზომის რაკეტა გაუშვა
აშშ-ის პრეზიდენტმა დონალდ ტრამპმა კომენტარი გააკეთა უკრაინის დაბომბვის ღამეს რუსული რაკეტებისა და დრონების მიერ პოლონეთის საჰაერო სივრცის დარღვევაზე. აშშ-ის პრეზიდენტმა განაცხადა, რომ ვლადიმერ პუტინმა შეცდომით პოლონეთში დრონები და „რამდენიმე მცირე რაკეტა“ გაუშვა. 20 ნოემბერს, დილის 7:00 საათზე, რუსეთის მიერ უკრაინაზე მასშტაბური თავდასხმის ფონზე, პოლონეთის ორ სასაზღვრო სავოევოდეში, ლუბლინსა და პოდკარპაცეში, საჰაერო თავდასხმის განგაში გამოცხადდა. მოგვიანებით, პოლონეთის თავდაცვის მინისტრმა ვლადისლავ კოსინიაკ-კამიშმა განაცხადა, რომ პოლონეთის ტერიტორიაზე სამი რუსული ობიექტი - ორი რაკეტა და ერთი რეაქტიული დრონი ჩამოვარდა. მან აღნიშნა, რომ „თარიღი შემთხვევით არ შეირჩა“, რადგან „მსურველთა კოალიციის“ წვრთნები იმავე დღეს მიმდინარეობდა. პოლონეთის პრემიერ-მინისტრმა დონალდ ტუსკმა პოლონეთის საჰაერო სივრცის დარღვევის საპასუხოდ შეხვედრა მოიწვია მინისტრებთან, პოლონეთის შეიარაღებული ძალების წარმომადგენლებთან და სადაზვერვო სამსახურების ხელმძღვანელებთან. ტუსკმა განაცხადა, რომ „ეს შემთხვევითობას არ ჰგავს“. მან ივარაუდა, რომ პოლონეთის საჰაერო სივრცეში შეჭრა განზრახ პროვოკაცია იყო და ის ასევე დაუკავშირა „მსურველთა კოალიციის“ ძალების ახლომდებარე მანევრებს, რომლებსაც პოლონელი ჯარისკაცები უჭერდნენ მხარს. „ჩვენ დანამდვილებით ვიცით, რომ პოლონეთის მიწაზე დაცემული თვითმფრინავები რუსეთიდან იყო“, - აღნიშნა ტუსკმა და დასძინა, რომ ეს არა მხოლოდ მისი შეფასებაა, არამედ მისი უცხოელი პარტნიორების, მათ შორის ნატოს გენერალური მდივნის აზრიც.
რუსეთის იარაღის გადატანაში ეჭვმიტანილი გემი ფინეთის ყურეში დაწვეს
კალინინგრადის (კენიგსბერგი) ოლქზე პირველად განხორციელდა დრონების თავდასხმა- უკრაინული მედია ბალტიის ფლოტის ბაზაზე დარტყმის შესახებ იუწყება
დანიამ ევროკავშირის ქვეყნებს შესთავაზა, რომ რუსებისთვის ტურისტული ვიზების გაცემა შეწყვიტონ
ჭიჭინაძის სახელით საკონსტიტუციოში ვასაჩივრებთ პროცესების გადაღების შეზღუდვას – ადვოკატი
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
მათ ალყა გაარღვიეს და 14 სოფელი დაიბრუნეს, უკრაინელმა სამხედროებმა გაასაჯაროეს ოპერაცია „დათვების ხაფანგის“ ქრონიკა
კრივოი როგი რუსმა ოკუპანტებმა დაბომბეს, 58 ადამიანი დაიჭრა და ორი დაიღუპა, მათ შორის ბავშვებიც არიან
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ელენე გვიმრაძე, ექსპრესნიუსის რეპორტიორი 2018 წლიდან



