20:28 - 16 Nov, 2026
ჩვენ შესახებ რეკლამა/ხელმოწერა
2026-11-16 17:41:38, 316 ნახვა

პოლიტიკა
ხოშტარია - რაც შეეხება ფოიერვერკის ვინმესთვის სახეში სროლას, ეს თქვენი ხელწერაა - ოღონდ ფოიერვერკს კი არ ისვრით, არამედ ქიმიურ იარაღს

ფოიერვერკი არამარტო მქონდა, არამედ ჰაერში ვისროდი კიდეც, თუმცა რაც შეეხება ფოიერვერკის ვინმესთვის სახეში სროლას, ეს თქვენი ხელწერაა - ოღონდ ფოიერვერკს კი არ ისვრით, არამედ ქიმიურ იარაღს და ირტყმევინებით, - ამის შესახებ პარტია „დროას“ ლიდერი ელენე ხოშტარია რუსთავის ციხიდან გავრცელებულ მიმართვაში წერს.

„ჯერ ჩემს ფლომასტერს დასდევდით ქიმიური ხსნარებით და ახლა „სნიკერსს“, კვერცხს, პლედს და ფოიერვერკს. კიდევ ერთხელ გიმეორებთ: მქონდა პლედიც, აირწინაღიც, ფიზიოლოგიური ხსნარიც, სენდვიჩებსაც ვარიგებდი და ყველაფერს ვაკეთებდი, რაც ადამიანების მოვლას სჭირდებოდა.

ფოიერვერკი არამარტო მქონდა, არამედ ჰაერში ვისროდი კიდეც. თუმცა, რაც შეეხება ფოიერვერკის ვინმესთვის სახეში სროლას, ეს თქვენი ხელწერაა. ოღონდ ფოიერვერკს კი არ ისვრით - ქიმიურ იარაღს და ირტყმევინებით. მე გითხარით და კიდევ გეტყვით, ამ აქციებზე ერთადერთი მოძალადე, თანაც ცხოველური, ბარბაროსული, არაადამიანური, ისტორიას რომ არ დაავიწყდება ისეთი, იყო “ქართული ოცნება”.

ახლა რაც შეეხება აქციის მხრიდან ძალადობას, ვერსაიდან ვერ გამოიყვანთ ძალადობას, იმიტომ კი არა, რომ რამეს ვფუთავთ, არამედ უბრალოდ იმიტომ, რომ მოძალადეები არ ვართ. თქვენგან განსხვავებით, არ მოგვწონს, ადამიანს რომ სისხლი სდის, არ მოგვწონს ადამიანებისთვის სახის ძვლების ჩამტვრევა, არ მოგვწონს ქალებისა თუ კაცების თმებით თრევა, არ მოგვწონს ადამიანების გაშიშვლება. ვერ ვიტანთ და ვეწინააღმდეგებით ადამიანების გაუპატიურებას და ამით მუქარას, არ მოგვწონს ადამიანების სამარშრუტო ტაქსიში გამომწყვდევა და წამება, არ მოგვწონს ცემითა და ძალადობით მიზნის მიღწევა.

ეს ძალიან კარგად დაიმახსოვრეთ! და მერე რამდენიც გინდათ, სდიეთ ფოიერვერკებს, ფლომასტერებს, კვერცხებსაც და, თუ გინდათ, „სნიკერსიც“ მიამატეთ,“ - წერს ხოშტარია.





ავტორი: ცოტნე ტალახაძე, ექსპრესნიუსის რეპორტიორი 2019 წლიდან


სოციალური ქსელები
Tegeta App-ში მოგების დროა - ყოველი 50-ე ახალი მომხმარებელი საჩუქრად „გალფის“ ქულებს მიიღებს
მეტროს ვაგონების რემონტისთვის გამოყოფილი 41 მლნ ლარის მითვისების ბრალდებით ოთხი პირი დააკავეს
ლაშა ნაცვლიშვილი 2500 ლარით დააჯარიმეს ფეისბუკში მიტროპოლიტ იობის გინების გამო
საკონსტიტუციოს მოსამართლეებს ათობით კითხვა 2024-25 წლებში გამართულ აქციებზე გაუჩნდათ
რედაქტორის რჩევით

ომი უკრაინაში

ვიდეო/LIVE

პატრიარქის ილია მეორის დაკრძალვა - პირდაპირი








არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics