“ერთი რამ რაც დაზუსტებით ვიცით, არის ის, რომ როდესაც ვაპირებთ რაიმე დასკვნა გამოვიტანოთ არ შეიძლება, ეს დასკვნები მხოლოდ ერთ კვლევას, ამ შემთხვევაში NDI-ს კვლევას ეყრდნობოდეს”, - ამის შესახებ განათლებისა და მეცნიერების მინისტრმა თამარ სანიკიძემ ჟურნალისტებს განუცხადა.

მისნიტრის თქმით, თითოეული კვლევა მნიშვნელოვანია. როგორც სანიკიძემ აღნიშნა კვლევებში სხვადასხვა ტენდენციები და პრობლემებია ასახული.

„არის ძალიან ბევრი სხვადასხვა კვლევა და შესწავლის მექანიზმები. სხვადასხვა მექანიზმები განსხვავებულ შედეგებს გვიჩვენებს. ის, რომ ქვეყანა განვითარების გზაზე დგას და რაღაც პრობლემებს ეტაპობრივად გადალახავს ეს სახეზეა“, - განმარტა თამარ სანიკიძემ.

როგორც განათლების მინისტრმა აღნიშნა, ქვეყანას შესაბამისი სტრატეგიაც გააჩნია და ხელისუფლება მიზანმიმართულად მიყვება არჩეულ სტრატეგიას, რათა უკეთესი სიტუაცია უზრუნველყოს.

„გაზომვის მექანიზმებს თუ დავუჯერებთ, ვნახავთ, რომ იქ პირიქით უკეთეს მდგომარეობას გვიჩვენებს, ამიტომ სახელმწიფომ უნდა გააგრძელოს ის პოლიტიკა, რომელსაც აწარმოებს“, - აღნიშნა სანიკიძემ.

ჟურნალისტის კითხვაზე იქონიებს თუ არა ეს კვლევა არჩევნებზე გავლენას, მინისტრმა აღნიშნა, რომ არჩევნებზე გავლენას ძალიან ბევრი სხვა რამ იქონიებს.

„მე არ ვფიქრობ, რომ NDI-ს კვლევას რაიმე გადამწყვეტი  მნიშვნელობა ექნება. ჩვენმა საზოგადოებამ ძალიან ბევრ რამეს უნდა მიაქციოს ყურადღება“, - განაცხადა თამარ სანიკიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ განაცხადა, რომ Starshield-მა 400 კმ/სთ-ზე მეტი სიჩქარე აღადგინა.

კობახიძე ღია რუსული პარტიების აკრძალვაზე უკრაინაში - პარტიების აკრძალვაზე არავის უთქვამს, რომ დემოკრატიის პრინციპს შეიძლება უკავშირდებოდეს

კობახიძე – საკონსტიტუციო სასამართლოში შეტანილი სარჩელი ეხება ერთი პოლიტიკური პარტიის არაკონსტიტუციურად გამოცხადებას, ამ პარტიას ჰქვია კოლექტიური „ნაცმოძრაობა“

კობახიძე – არავის აქვს უფლება, ჩაერიოს მართლმსაჯულების დამოუკიდებლობაში, რასაც ცდილობენ ბიუროკრატები