აშშ-ის დემოკრატმა წარმომადგენელმა გრეგორი მიკსმა წარადგინა ორპარტიული კანონპროექტი, რომელიც მიზნად ისახავს დონალდ ტრამპის ადმინისტრაციის მიერ რუსული დიზელის საწვავის შესყიდვისა და იმპორტის პოტენციური გარიგების დაბლოკვას.

დოკუმენტს ჰქვია „რუსეთთან კორუმპირებული ნავთობის გარიგებების აკრძალვის აქტი“.

კანონპროექტი კრძალავს ამერიკის საერთაშორისო განვითარების კორპორაციის (DFC) ინვესტიციებს რუსეთის ენერგეტიკულ სექტორში, გააუქმებს აშშ-ის ფინანსთა სამინისტროს უცხოური აქტივების კონტროლის ოფისის (OFAC) მიერ გაცემულ ზოგად ლიცენზიებს და კრძალავს ასეთი ახალი ნებართვების გაცემას. გარდა ამისა, კანონპროექტი ავალდებულებს ტრამპის ადმინისტრაციას, დააწესოს სანქციები რუსეთის ენერგეტიკულ სექტორზე.

მიკსმა, წარმომადგენელთა პალატის საგარეო საქმეთა კომიტეტის წამყვანმა დემოკრატმა, განაცხადა, რომ პოტენციური გარიგება არ შეამცირებს ამერიკის ხარჯებს, მაგრამ რუსეთს მისცემს დამატებით სახსრებს უკრაინის წინააღმდეგ ომის გასაგრძელებლად.

„ეს პუტინს მილიონობით დოლარს მისცემს, რათა მან დაუსჯელად გააგრძელოს უკრაინელი მშვიდობიანი მოქალაქეების მკვლელობა“, - განაცხადა კონგრესმენმა.

მან ასევე დაადანაშაულა ტრამპი რუსეთის პრეზიდენტ ვლადიმერ პუტინთან დაახლოებაში მოსკოვზე ზეწოლის გაზრდის ნაცვლად და მოუწოდა კონგრესის წევრებს, მხარი დაუჭირონ კანონპროექტს.

ინიციატივამ ორპარტიული მხარდაჭერა მიიღო. დოკუმენტის თანაავტორებს შორის არიან დემოკრატები უილიამ კიტინგი, ემი ბერა, ტედ ლიეუ და სტენი ჰოიერი, ასევე რესპუბლიკელი დონ ბეიკონი.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა

მოსკოვში დრონების თავდასხმების შედეგად 350-ზე მეტი რეისი გაუქმდა და გადაიდო

საბერძნეთი განიხილავს ლიეტუვაში კრემლის ორი კრიტიკოსის მკვლელობის დაგეგმვაში ეჭვმიტანილი საქართველოს მოქალაქის ექსტრადირებას