მთავრობის საპარლამენტო მდივნის შალვა თადუმაძის განცხადებით, არგუმენტი იმისა, თუ რატომ არ უნდა დაინიშნოს არჩევნები 8 ოქტომბერს, არც არასამთავრობო ორგანიზაციებს და არც სხვა სფეროს წარმომადგენლებს არ აქვთ.

მისივე განმარტებით, იურიდიულ და  ტექნიკურ უზრუნველყოფაზე ყველა დაინტერესებულ პირთან კონსულტაციები მიმდინარეობს.

„როგორც მოგეხსენებათ, პრემიერმინისტრსა და პრეზიდენტს  შორის გაიმართა კონსულტაცია,  რის შედეგადაც მიღებულ იქნა პოლიტიკური გადაწყვეტილება, რომ საპარლამენტო არჩევნები დაინიშნება 8  ოქტომბერს. ამის ტექნიკურ და იურიდიულ უზრუნველყოფას  მოვახდენთ იმ კონსულტაციების შემდეგ, რომელიც მიმდინარეობს, როგორც მთავრობის ადმინისტრაციას, ისე პრეზიდენტის ადმინისტრაციას, პარლამენტსა და ცესკო-ს შორის. შესაბამისად,  არგუმენტი იმისა, რომ 8 ოქტომბერს არ უნდა დაინიშნოს არჩევნები, არც არასამთავერობოებს გააჩნია, არც სხვა სფეროს წარმომადგენლებს, რომლებსაც განსხვავებული აზრი აქვთ.

უბრალოდ აქ არის საკითხი  იურიდიულ და  ტექნიკურ უზრუნველყოფაზე. ამ მიმართულებით  მიმდინარეობს  ყველა დაინტერესებულ პირთან კონსულტაციები“, -განაცხადა თადუმაძემ.

მისივე თქმით, წინასაარჩევნო კამპანიის თარიღი  ვერ შეიცვლება: 

„იქიდან გამომდინარე, რომ საარჩევნო კოდექსი ამბობს იმ მინიმუმს, რომელიც უნდა იყოს და ეს არის არაუგვიანეს 60 დღისა“, - განაცხადა თადუმაძემ და დასძინა, რომ კონტრასიგნაციასთან დაკავშირებით გადაწყვეტილება  10 დღის განმავლობაში იქნება მიღებული. 

პრეზიდენტის განკარგულებების მიხედვით, მორიგი საპარლამენტო არჩევნები და აჭარის ავტონომიური რესპუბლიკის უმაღლესი საბჭოს არჩევნები 2016 წლის 8 ოქტომბერს გაიმართება. ეს განკარგულება ძალაში 2016 წლის 8 აგვისტოდან შევა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ განაცხადა, რომ Starshield-მა 400 კმ/სთ-ზე მეტი სიჩქარე აღადგინა.

კობახიძე ღია რუსული პარტიების აკრძალვაზე უკრაინაში - პარტიების აკრძალვაზე არავის უთქვამს, რომ დემოკრატიის პრინციპს შეიძლება უკავშირდებოდეს

კობახიძე – საკონსტიტუციო სასამართლოში შეტანილი სარჩელი ეხება ერთი პოლიტიკური პარტიის არაკონსტიტუციურად გამოცხადებას, ამ პარტიას ჰქვია კოლექტიური „ნაცმოძრაობა“

კობახიძე – არავის აქვს უფლება, ჩაერიოს მართლმსაჯულების დამოუკიდებლობაში, რასაც ცდილობენ ბიუროკრატები