ოკუპირებული ცხინვალის ე.წ. საპრეზიდენტო არჩევნებში ხმების 40 პროცენტის დამუშავების შემდეგ მარატ კამბოლოვი ლიდერობს. ე.წ ცენტრალური საარჩევნო კომისიის ხელმძღვანელმა ემილია გაგიევამ ცენტრალური საარჩევნო კომისიის პრესცენტრში ვადამდელი საპრეზიდენტო არჩევნების წინასწარი შედეგები გამოაცხადა.

მან აღნიშნა, რომ საარჩევნო უბნების დახურვისას ამომრჩეველთა საბოლოო აქტივობამ 73,2% შეადგინა, რაც მოქალაქეების საარჩევნო პროცესისადმი უკიდურესად მაღალ ინტერესზე მიუთითებს.

„23:00 საათისთვის, საარჩევნო უბნების ოქმების 40% დამუშავებული იყო - 75 საარჩევნო უბნიდან 30“, - განაცხადა გაგიევამ და მოქალაქეებს მონაწილეობისთვის მადლობა გადაუხადა.

წინასწარი კენჭისყრის შედეგები:
• მარატ კამბოლოვი - 88,4% (4,407 ხმა);
• მურატ ვალიევი - 4,3% (211 ხმა);
• ყაზბეკ კოდოევი - 1,1% (57 ხმა);
• ზურაბ კოკოევი - 1,0% (53 ხმა).

ამომრჩეველთა 2,9%-მა (167 ადამიანმა) აირჩია ვარიანტი „ყველას წინააღმდეგ“.

ე.წ ცენტრალური საარჩევნო კომისიის ხელმძღვანელმა განმარტა, რომ ამჟამად სისტემაში შეყვანილია მონაცემები, ძირითადად, მცირე და სოფლის საარჩევნო უბნებიდან. დიდი ქალაქის საარჩევნო უბნებიდან მიცემული ხმების დათვლა მიმდინარეობს.

„ეს მხოლოდ პირველი წინასწარი მონაცემებია. ოფიციალური შედეგები დაითვლება ბიულეტენების 100%-ის დამუშავების შემდეგ. ამჟამად, კომისიები აგრძელებენ მუშაობას რეგულაციების მკაცრი დაცვით“, - ხაზგასმით აღნიშნა ემილია გაგიევამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

თიბისის მხარდაჭერით საქართველოს სკოლებში AI-ის სწავლება იწყება

დავითაძე ამბობს, რომ ბადრაგები ციხეში უპრეცედენტო პროვოკაციებზე გადავიდნენ, პატიმრებზე ძალადობენ

დეკანოიძე- გავაკეთებთ ყველაფერს, რათა ქართველი ხალხის წინააღმდეგ მიმართული ქმედებებისთვის ივანიშვილმა და მისმა მაფიოზურმა დაჯგუფებამ აგოს პასუხი

რუსეთმა ჩერნიგოვის რეგიონში ხუთსართულიან საცხოვრებელ შენობას რაკეტა დაარტყა - ცხრა ადამიანი დაიღუპა და 38 დაშავდა