2026-09-11 19:42:30, 8812 ნახვა
სხვადასხვა
თურქი DJ-ის თბილისში დაგეგმილი კონცერტი, ოკუპირებული სოხუმში ვიზიტის შემდეგ, გაუქმდა
გაუქმდა თბილისში დაგეგმილი კონცერტი, რომელზეც უნდა დაეკრა ბერატ მერტ დემირს - თურქ DJ-ს, რომელიც აგვისტოში ოკუპირებულ აფხაზეთში იმყოფებოდა.
„სამწუხაროდ, ბოლო პერიოდში გავრცელებული ინფორმაციისა და შექმნილი ვითარების გამო, ღონისძიების გაუქმება გადავწყვიტეთ, რათა თავიდან ავიცილოთ ნებისმიერი შესაძლო პრობლემა და სიტუაციის შემდგომი გართულება“, - აცხადებენ ორგანიზატორები.
ამ დროისთვის ბილეთების გაყიდვა შეწყვეტილია. ორგანიზატორთა ინფორმაციით, უკვე გაყიდული ბილეთების თანხა მომხმარებლებს სრულად დაუბრუნდებათ.
Live-კონცერტი თბილისში 25 სექტემბერს უნდა გამართულიყო.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
