|
2026-09-08 11:06:35, 11839 ნახვა
სხვადასხვა
ლავროვის ოჯახს არაბთა გაერთიანებული საემიროების პასპორტები აღმოაჩნდა
რუსეთის საგარეო საქმეთა მინისტრის, სერგეი ლავროვის პარტნიორმა და მისმა ქალიშვილმა უკრაინაში სრულმასშტაბიანი ომის დაწყების შემდეგ არაბთა გაერთიანებული საემიროების პასპორტები მიიღეს, იტყობინება ანტიკორუფციული ფონდი (FBK). სვეტლანა პოლიაკოვამ, რომელსაც FBK ლავროვის საყვარელს უწოდებს (მინისტრი ოფიციალურად დაქორწინებულია სხვა ქალზე, მარია ლავროვაზე), არაბთა გაერთიანებული საემიროების მოქალაქეობა „სახელმწიფოსადმი გაწეული სამსახურისთვის“ 2022 წლის 28 დეკემბერს მიიღო. მისი ქალიშვილი, ლავროვის გერი, პოლინა კოვალევა, ცოტა ხნის წინ დასაქმების გზით არაბთა გაერთიანებული საემიროების მოქალაქე გახდა. როგორც Important Stories-მა ადრე გაარკვია, პოლიაკოვას დიდი ხნის რომანი ჰქონდა ლავროვთან და მნიშვნელოვანი გავლენა აქვს საგარეო საქმეთა სამინისტროში. ის ჩართული იყო სამინისტროსთან დაკავშირებულ ბიზნესებში, ხოლო მის ნათესავებს სამინისტროში რამდენიმე მნიშვნელოვანი თანამდებობა ეკავათ. პოლიაკოვა ფლობს 700 მილიონ რუბლზე მეტ უძრავ ქონებას. კოვალევა სწავლობდა ლონდონის იმპერიული კოლეჯის ბიზნეს სკოლაში და ფლობდა რამდენიმე ბრიტანულ კომპანიას. FBK-მ აღმოაჩინა, რომ მას დიდ ბრიტანეთში დაახლოებით 4.4 მილიონი ფუნტის ღირებულების ფუფუნების ქონება ეკუთვნოდა. სრულმასშტაბიანი ომის დაწყებისა და სანქციების დაწესების შემდეგ, FBK-ის ცნობით, მან დატოვა დიდი ბრიტანეთი და სამსახური მიიღო დოჰაში, Qatar Investment-ში. არაბთა გაერთიანებული საამიროების მოქალაქეობის მიღება უკიდურესად რთულია. უცხოელებისთვის სტანდარტული ნატურალიზაცია მოითხოვს ქვეყანაში 30 წლიან უწყვეტ ცხოვრებას, არაბული ენის ცოდნას და უნაკლო რეპუტაციას. 2021 წლიდან მოქალაქეობა ხელმისაწვდომია „განსაკუთრებული დამსახურებისთვის“ - ინვესტორებისთვის, მეცნიერებისთვის, ექიმებისთვის, გამომგონებლებისთვის, მხატვრებისთვის და სხვა მრავალი კატეგორიისთვის. თუმცა, განმცხადებლებს არ შეუძლიათ დამოუკიდებლად განაცხადის შეტანა; ისინი უნდა იყვნენ წარდგენილი ფედერალური ხელისუფლების ან არაბთა გაერთიანებული საამიროების მმართველების სასამართლოების მიერ.
ტრამპმა განაცხადა, რომ FBI-ზე კიბერშეტევა შესაძლოა აშშ-სთვის სასარგებლო იყოს
მეუფე იობი: პატრიარქი კირილი არის მაკურთხებელი ომის და სისხლისღვრის
გალუზინი- შეთანხმდა, რომ რუსეთ-საქართველოს პირდაპირი დიალოგი ახალი ფორმატით და რეგულარულად დამყარდება
მეუფე იობი ოცნებაზე - რომ დავინახე, გადაუხვიეს და სხვა მდგომარეობა შეიქმნა, უკვე მხილება იყო საჭირო
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
მათ ალყა გაარღვიეს და 14 სოფელი დაიბრუნეს, უკრაინელმა სამხედროებმა გაასაჯაროეს ოპერაცია „დათვების ხაფანგის“ ქრონიკა
კრივოი როგი რუსმა ოკუპანტებმა დაბომბეს, 58 ადამიანი დაიჭრა და ორი დაიღუპა, მათ შორის ბავშვებიც არიან
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: მარიამ იმერლიშვილი, ექსპრესნიუსის რეპორტიორი 2020 წლიდან



