ჩვენ ამ ვერსიას, რა თქმა უნდა, არ ვეთანხმებით იქიდან გამომდინარე, რომ ჩვენც ვაპირებთ ალტერნატიული ექსპერტიზის ჩატარებას" - ამბობს "ფორმულასთან" დაურ ბუავას ადვოკატი ნათია მეზვრიშვილი.

"ეს არის გამოძიების ვერსია. ჩვენ ამ ვერსიას, რა თქმა უნდა, არ ვეთანხმებით იქიდან გამომდინარე, რომ ჩვენც ვაპირებთ ალტერნატიული ექსპერტიზის ჩატარებას. დადგინდება ნამდვილად ჰქონდა თუ არა მოხმარებული ნარკოტიკი. რაც შეეხება მათ ურთიერთობას და მათ მეგობრობას [დაკავებულის და ბუავას] ჩვენ ამ ეტაპზე არ გვაქვს ინფორმაცია იქიდან გამომდინარე, რომ ამ დილით მოხდა მისი დაკავება. დაურის მეგობრებს გავესაუბრებით ახლა, მოწმეებს გამოვკითხავთ და გვეცოდინება რეალურად სურათი რა მოხდა და როგორ. ჩვენ აქტიურად ვმუშაობთ გამოძიებასთან. დღეს გამოვკითხავთ მოწმეებს ჩვენც, მიუხედავად იმისა, რომ გამოძიებას უკვე რამდენიმე მოწმე ჰყავს გამოკითხული. ჩვენც აქტიურად ვმუშაობთ დამოუკიდებელი გამოძიების კუთხით და დეტალები მოგვიანებით გვეცოდინება" - აცხადებს ადვოკატი ნათია მეზვრიშვილი.

 აფხაზი ბლოგერის, დაურ ბუავას გარდაცვალების საქმეზე შსს-მ განსაცდელში მიტოვების ბრალდებით უცხო ქვეყნის მოქალაქე დააკავა.