2026-08-26 10:22:38, 263 ნახვა

---

მედვედევმა საქართველოს ოკუპირებული რეგიონების აღიარებას „გეოპოლიტიკური სამართლიანობა“ უწოდა

რუსეთის ყოფილმა პრეზიდენტმა დიმიტრი მედვედევმა  განაცხადა, რომ რუსეთის მიერ აფხაზეთისა და ცხინვალის რეგიონის 2008 წელს აღიარებამ „ახალი, სამართლიანი გეოპოლიტიკური რეალობები“ შექმნა.

მან ასევე გაიმეორა 2008 წლის ომის რუსეთის ვერსია და პარალელები გაავლო უკრაინის წინააღმდეგ მიმდინარე ომთან, დასავლეთი დაადანაშაულა რუსეთის მეზობლების მოსკოვის წინააღმდეგ ბრძოლაში.

საქართველო და მსოფლიოს ქვეყნების აბსოლუტური უმრავლესობა ორივე რეგიონს რუსეთის ოკუპირებული საქართველოს ტერიტორიის ნაწილად მიიჩნევს.

18 წლის წინ, 2008 წლის 26 აგვისტოს, პრეზიდენტ დიმიტრი მედვედევის ბრძანებულებით, რუსეთის ფედერაციამ ოფიციალურად აღიარა აფხაზეთის რესპუბლიკა და სამხრეთ ოსეთის რესპუბლიკა. საერთაშორისო სამართლის დარღვევით აღიარებამ მოსკოვს და თბილის შორის დაძაბულობა გააღრმავა. ქვეყნებმა დიპლომატიური ურთიერთობები შეწყვიტეს.

---

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

---

დღის თემა

მთავარი თემა

ინტერვიუ - ექსკლუზივი