თსუ-ის პროფესორი და პოლიტოლოგი კორნელი კაკაჩია არ ელოდება, რომ საქართველოს პრეზიდენტი გიორგი მარგველაშვილი ისევ გახდება „ქართული ოცნების“ სახე.

როგორც პოლიტოლოგმა „ექსპრესნიუსს“ განუცხადა ამის ალბათობა ძალიან დაბალია. იმის მიუხედავად, რომ საქართველოს პრეზიდენტსა და პრემიერს შორის ურთიერთობის დათმობა აშკარად თვალსაჩინოა.

კაკაჩიას შეფასებით, გიორგი კვირიკაშვილი „ოცნების“ ერთადერთი სახე არ არის. პოლიტოლოგი ურთიერთობის დალაგებას ვერ ხედავს პრეზიდენტსა და პარტიის სხვა ლიდერებს შორის.

„პრეზიდენტსა და „ქართულ ოცნების“ ლიდერებს შორის ურთიერთობათა დათბობას ვერ ვხედავ. უფრო პირიქითაა, მე მგონი, მაგრამ გიორგი კვირიკაშვილის პიროვნულმა ფაქტორმა ითამაშა დიდი როლი და ამიტომ ჩანს ასე. სამწუხაროდ გიორგი კვირიკაშვილი არ არის „ქართული ოცნების“ ერთადერთი სახე.

საპარამენტო ფრაქციას გიორგი მარგველაშვილთან მიმართებაში რიტორიკა არ შეუცვლია. ახლა ბევრი რამე იმაზეა დამოკიდებული თუ როგორი იქნება „ქართული ოცნების“ პარტიული სია. ვინ იქნებიან პარლამენტში „ქართული ოცნების“ სემადგენლობაში, მაგრამ ალბათობა რომ გიორგი მარგველაშვილი დაბრუნდეს „ქართულ ოცნებაში“ ამის ალბათობა ძალიან დაბალია“, - განუცხადა კორნელი კაკაჩიამ „ექსპრესნიუსს“.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ განაცხადა, რომ Starshield-მა 400 კმ/სთ-ზე მეტი სიჩქარე აღადგინა.

კობახიძე ღია რუსული პარტიების აკრძალვაზე უკრაინაში - პარტიების აკრძალვაზე არავის უთქვამს, რომ დემოკრატიის პრინციპს შეიძლება უკავშირდებოდეს

კობახიძე – საკონსტიტუციო სასამართლოში შეტანილი სარჩელი ეხება ერთი პოლიტიკური პარტიის არაკონსტიტუციურად გამოცხადებას, ამ პარტიას ჰქვია კოლექტიური „ნაცმოძრაობა“

კობახიძე – არავის აქვს უფლება, ჩაერიოს მართლმსაჯულების დამოუკიდებლობაში, რასაც ცდილობენ ბიუროკრატები