თურქეთი კვლავ რჩება იმ ქვეყნად, სადაც ტაქსის მგზავრობის ყველაზე მაღალი ღირებულება საქართველოს მოსაზღვრე ქვეყნებს შორისაა. ეს Numbeo-ს (საერთაშორისო ონლაინ მონაცემთა ბაზა) განახლებული მონაცემებით ხდება, რომელმაც 99 ქვეყანაში ტაქსით მგზავრობის საშუალო ღირებულება კილომეტრზე 0.85 აშშ დოლარია, რაც ქვეყანას გლობალურ რეიტინგში 68-ე ადგილზე აყენებს.

თავად საქართველო მეზობელ ქვეყნებს შორის მეორე ადგილზეა. Numbeo-ს მონაცემებით, კილომეტრზე მგზავრობის საშუალო ღირებულება 0.71 აშშ დოლარია. ქვეყანა საერთო ჯამში 76-ე ადგილზეა.

შემდეგ რიგში არიან:

აზერბაიჯანი – კილომეტრზე 0.59 აშშ დოლარი (81-ე ადგილი);
რუსეთი – 0.45 აშშ დოლარი (87-ე ადგილი);
სომხეთი – 0.43 აშშ დოლარი (88-ე ადგილი), სადაც ტაქსები საქართველოს მეზობელ ქვეყნებს შორის ყველაზე იაფია. გლობალურ რეიტინგში ტაქსის ყველაზე მაღალი ფასები შვეიცარიაში ფიქსირდება, სადაც კილომეტრზე მგზავრობის ღირებულება 4.70 აშშ დოლარს აღწევს. პირველ სამეულში ასევე შედიან ლუქსემბურგი (4.06 აშშ დოლარი) და ალბანეთი (3.67 აშშ დოლარი).

ტაქსის ყველაზე მაღალი ტარიფების მქონე ტოპ 10 ქვეყანა შემდეგია:

შვეიცარია - $4.70;
ლუქსემბურგი - $4.06;
ალბანეთი - $3.67;
ბაჰრეინი - $3.45;
მავრიკი - $3.19;
იაპონია - $3.08;
ნიდერლანდები - $3.03;
გერმანია - $2.86;
ბელგია - $2.75;
მექსიკა - $2.72.
ტაქსის ყველაზე დაბალი ტარიფები ფილიპინებშია დაფიქსირებული - $0.23 კილომეტრზე. ყველაზე ხელმისაწვდომი ფასების მქონე ქვეყნებს შორის ასევე შედიან ინდოეთი ($0.26), ეგვიპტე და ირანი ($0.30 თითოეული), შრი-ლანკა და უზბეკეთი ($0.33 თითოეული), ტუნისი და მოლდოვა ($0.34 თითოეული), ჩინეთი ($0.35) და ინდონეზია ($0.39).

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

კობახიძე ამტკიცებს, რომ ტრამპს და რუბიოს ესაუბრა

კაცმა ფარულად შეაღწია საცხოვრებელ სახლში, ბლაგვი საგნით და ცივი იარაღით დაზიანებები მიაყენა თანასოფლელ, ხანდაზმულ ქალს, დანაშაულის ადგილს ცეცხლი წაუკიდა და მიიმალა - ქალი ადგილზე გარდაიცვალა

პაპუაშვილი – საქართველო-აშშ-ის ურთიერთობები გადატვირთვის გზით მიდის

კობახიძე - ალდეს ლიბერალობის არაფერი ეტყობა, კვლავაც დგანან რადიკალიზმის, მათ შორის ტერორისტული აქტის მხარეს