24 ივნისს ვენესუელის ჩრდილოეთ-ცენტრალურ ნაწილში ბოლო 125 წლის განმავლობაში ყველაზე მძლავრი სეისმური კატასტროფა მოხდა — 39 წამის ინტერვალით ორმა მიყოლებითმა ბიძგმა (7.2 და 7.5 მაგნიტუდა) ქვეყანა უმძიმეს ჰუმანიტარულ კრიზისში ჩააგდო.

ბოლო ოფიციალური მონაცემებით, სტიქიას 2 290-ზე მეტი ადამიანი ემსხვერპლა, 11 000-ზე მეტი დაშავდა, ათიათასობით მოქალაქე კვლავ დაკარგულად ითვლება, ხოლო 13 000-მდე ადამიანი უსახლკაროდ დარჩა.

შექმნილი მდგომარეობის გამო, გაეროს მსოფლიო სასურსათო პროგრამამ საერთაშორისო საზოგადოებას დაზარალებულთა გამოსაკვებად 50 მილიონი დოლარის სასწრაფო დახმარების თხოვნით მიმართა.

ყველაზე მეტად დაზარალებულ შტატ ლა გუაირაში შექმნილ დროებით თავშესაფრებს, სამხედროების ნაცვლად, 20-დან 27 წლამდე ასაკის ახალგაზრდა მოხალისეები მართავენ. 

ერთ-ერთ ასეთ ცენტრში, რომელიც „პანამის რესპუბლიკის“ სკოლაშია მოწყობილი, თავადვე დაზარალებულმა ახალგაზრდებმა შექმნეს ციფრული მონაცემთა ბაზა, რომლითაც 350-ზე მეტი ადამიანის საჭიროებებსა და დაკარგული ახლობლების ძებნის პროცესს აკონტროლებენ.

მიუხედავად იმისა, რომ თავშესაფრებში მყოფი ადამიანები ღრმა ფსიქოლოგიურ შოკში, დეპრესიასა თუ მრისხანებაში იმყოფებიან, ხოლო ქვეყანაში სურსათისა და წყლის მწვავე დეფიციტია, ეს ახალგაზრდული ჯგუფები 24-საათიან რეჟიმში მუშაობენ და დაზარალებული მოსახლეობისთვის გადარჩენის მთავარ საყრდენად რჩებიან.

ავტორი: ექსპრესნიუსი,

სოციალური ქსელები

„ჩვენ შეგვიძლია დავივიწყოთ სამართლიანი სამყარო“: ბრიტანელი კონსერვატორების ლიდერმა გააკრიტიკა ტრამპის პოლიტიკა რუსეთის მიმართ

„უკრაინის შეიარაღებულმა ძალებმა შესაბამისი ბრძანებები მიიღეს“, - ზელენსკიმ დაადასტურა რუსეთთან ენერგეტიკული ცეცხლის შეწყვეტის შესახებ შეთანხმება

ბერნჰემი: რუსეთი ჩაერია დიდი ბრიტანეთის ევროკავშირიდან გასვლის შესახებ რეფერენდუმში

FT: კრემლმა ევროპული თავდაცვის კომპანიების ტოპ მენეჯერებზე ნადირობა გამოაცხადა