ჟენევის საერთაშორისო დისკუსიების 67-ე რაუნდის შემდეგ ოკუპირებული აფხაზეთის ე.წ. საგარეო საქმეთა მინისტრი, ოლეგ ბარციცი, ამბობს, რომ ქართული მხარე ძალის გამოუყენებლობის შესახებ შეთანხმების მიღწევისკენ დამატებით პროგრესს შეუძლებელს ხდის.

"საქართველო ჩვენთვის შეუძლებელს ხდის, რომ დამატებითი წინსვლა და პროგრესი გვქონდეს ჩვენთვის ყველაზე მნიშვნელოვანი მიზნისკენ, რაც ძალის გამოუყენებლობის შესახებ შეთანხმების დადებაა. აფხაზური მხარისთვის ჩვენს ქვეყნებს შორის არსებული ყველა საკითხის მშვიდობიანი და კონსტრუქციული გზით გადაწყვეტას ალტერნატივა არ აქვს. ეს მიდგომა მთლიანად გამართლებულია ჩვენი ისტორიული და სამართლებრივი საფუძვლებით, ასევე არსებული რეალობით. სამხრეთ კავკასიის რეგიონში გარკვეული სტატუს-კვო აღმოცენდა და ჩვენ დისკუსიების მონაწილე ყველა მხარეს მოვუწოდებთ, პატივი სცეს ამას." – განაცხადა ბარციცმა ტელევიზიაში საუბრისას.

მარიონეტული რეჟიმის წარმომადგენლის მიხედვით, საქართველოს პოზიცია "ყოველთვის გამოირჩეოდა აცდენით დამკვიდრებული ისტორიული, სამართლებრივი და პოლიტიკური რეალობებისგან."

ბარციცის თქმით, ქართული მხარე "განაგრძობს იმის მტკიცებას, რომ აფხაზეთი რუსეთის ფედერაციის ოკუპაციის ქვეშაა." "ამით, ძალის გამოუყენებლობის შესახებ შეთანხმების მიღწევისკენ დამატებითი პროგრესი შეუძლებელი ხდება." – დაამატა მან.

რეჟიმის ე.წ. მინისტრი ირწმუნება, რომ "აფხაზეთი და სამხრეთ ოსეთის რესპუბლიკა ორი სუვერენული, დამოუკიდებელი სახელმწიფოები არიან, რომლებიც საქართველოს ესაზღვრებიან, და ამ რეალობასთან შეგუება ყველას მოუწევს." 

"რუსეთი ზუსტად იგივე პოზიციაზე დგას." – აღნიშნა ბარციცმა.

ავტორი: ექსპრესნიუსი,

სოციალური ქსელები

ლევან მახაშვილი -ბრიუსელის ბიუროკრატია დინების წინააღმდეგ ცურავს

თორნიკე ფაღავა: საქართველოს აქვს თავისი დამოუკიდებელი, მშვიდობიანი, სუვერენული, ევროინტეგრაციის გზა და სტრატეგიული ხედვა

ლაშა ფარულავა – საპროცესო შეთანხმება არის ერთადერთი გზა, ჩვენმა თანამებრძოლებმა პოლიტიკურ ტყვეობას დააღწიონ თავი, ამიტომ არაფერი დასაძრახი არ არის

გიგა ფარულავა – ციხეში რჩებიან მოქალაქეები, რომლებიც ლიდერებმა 4 ოქტომბერს შეცდომაში შეიყვანეს, კეთილი ინებონ და აუხსნან, როგორ აპირებენ მათ დახმარებას