Reuters წყაროეზე დაყრდნობით წერს, რომ  კოპოტნის ნავთობგადამამუშავებელი ქარხანა, რომელზეც უკრაინამ 2-ჯერ განახორციელა დარტყმები, სავარაუდოდ, წელს ვეღარ განაახლებს მუშაობას.

კერძოდ, ორმა ინდუსტრიულმა წყარომ გამოცემას უთხრა, რომ ნავთობგადამამუშავებელი ქარხანა უკრაინული დრონების თავდასხმებით მიღებული სერიოზული დაზიანებების გამო მინიმუმ ექვსი თვის განმავლობაში არ იმუშავებს.

ქარხანა, რომელიც რუსეთის დედაქალაქის სამხრეთ გარეუბანში მდებარეობს, მოსკოვის რეგიონისთვის საწვავის უმსხვილესი მიმწოდებელია. მას ამ თვეში ორჯერ დაესხნენ თავს უკრაინული დრონები, რის გამოც მუშაობის შეჩერება გახდა საჭირო.

„შეკეთებას სულ მცირე ნახევარი წელი დასჭირდება,“ — განაცხადა ერთ-ერთმა წყარომ ქარხნის დაზიანების შესახებ.

ქარხანას მართავს Gazprom Neft, თუმცა კომპანიამ კომენტარის მოთხოვნას არ უპასუხა.

უკრაინამ გააძლიერა თავდასხმები რუსეთის ენერგეტიკულ ინფრასტრუქტურაზე შორი მოქმედების დრონების გამოყენებით. პარალელურად, რუსეთი აგრძელებს სარაკეტო დარტყმებს ენერგეტიკულ და თავდაცვით ობიექტებზე უკრაინის ქალაქებსა და მათ შემოგარენში.

უკრაინულმა დარტყმებმა რუსეთის ნავთობგადამამუშავებელი სიმძლავრის მნიშვნელოვანი ნაწილი მწყობრიდან გამოიყვანა, რამაც გამოიწვია ნავთობპროდუქტების დეფიციტი, საწვავის ფასების ზრდა და ბენზინგასამართ სადგურებზე გრძელი რიგები ქვეყნის მრავალ რეგიონში.

მოსკოვის ქარხანამ, რომელიც არაერთხელ გამხდარა თავდასხმის სამიზნე, 2024 წელს 11.6 მილიონი ტონა ნავთობი გადაამუშავა. მან აწარმოა 2.9 მილიონი ტონა ბენზინი და 3.2 მილიონი ტონა დიზელის საწვავი, ბოლო ხელმისაწვდომი მონაცემების მიხედვით.

ავტორი: ექსპრესნიუსი,

სოციალური ქსელები

ექვსმა ამერიკელმა სენატორმა ტრამპი რუსეთისგან დიზელის საწვავის შესყიდვის გეგმასთან დაკავშირებით კანონის დარღვევაში დაადანაშაულა

ფონ დერ ლაიენი: უკრაინის ომი "ახალ, ბნელ ფაზაში" შევიდა

„ჩვენ შეგვიძლია დავივიწყოთ სამართლიანი სამყარო“: ბრიტანელი კონსერვატორების ლიდერმა გააკრიტიკა ტრამპის პოლიტიკა რუსეთის მიმართ

„უკრაინის შეიარაღებულმა ძალებმა შესაბამისი ბრძანებები მიიღეს“, - ზელენსკიმ დაადასტურა რუსეთთან ენერგეტიკული ცეცხლის შეწყვეტის შესახებ შეთანხმება