ტელეკომპანია "მაესტროში" შეხვედრა არხის თანამშრომლებსა და საკონტროლო პაკეტის მფლობელ გია გაჩეჩილაძის შორის დასრულდა.

შეხვედრიდან გამოსულების თქმით, პროტესტი არ ყოფილა. ეთერში 12 საათიანი გაშვება არ გავიდა იმის გამო, რომ ტექნიკური ხარვეზი იყო. 

ასევე დღევანდელ შეხვედრაზე საუბარი არხის გენერალური დირექტორის საკითხს შეეხო. ხვალ პარტნიორთა კრება უნდა გაიმართოს, სადაც უნდა გადაწყდეს თუ ვინ უხელმძღვანელებს ტელეკომპანია "მაესტროს".

ერთ-ერთი კანდიდატურაა ზვიად ნაყეური, რომელიც წარსულში ფოთის პორტში მაღალ თანამდებობაზე მუშაობდა.   

"შევჯერდით ყველაფერზე და ხვალ გაიგებთ ყველაფერს ვინ და როგორ იქნება. არ არის არავითარი გაფიცვა, ყველაფერი დალაგდება. ამ ეტაპზე შევთანხმდით და ხვალ იქნება დამფუძნებელთა კრება და ყველაფერი გაგრძელდება ჩვეულ რეჟიმში", - განაცხადა გია გაჩეჩლაძემ.

მაკა ასათიანის ადვოკატის გიორგი გვენეტაძის თქმით, არსებული პრობლემები ახალი დირექტორის დანიშვნით მოგვარდება.

"ძალიან სამწუხაროა მაგრამ ამ პრობლემის მოგვარების გზად გვესახება ახალი დირექტორის დანიშვნა რომელიც ამ პრობლემებს ოპერატიულად მოაგვარებს და უზრუნველყოფს, რომ მომავალში აღარ იყოს მსგავსი პრობლემა", - აღნიშნა გვენეტაძემ.    

შეგახსენებთ, რომ "მაესტროს" თანამშრომლები გაიფიცნენ. არხის 12-საათიანი საინფორმაციო გამოშვება ეთერში არ გავიდა. გაფიცულები არიან ჟურნალისტები და ასევე ტექნიკური პერსონალიც. გადაღებაზე არც ტელევიზიის ოპერატორები გავიდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ განაცხადა, რომ Starshield-მა 400 კმ/სთ-ზე მეტი სიჩქარე აღადგინა.

კობახიძე ღია რუსული პარტიების აკრძალვაზე უკრაინაში - პარტიების აკრძალვაზე არავის უთქვამს, რომ დემოკრატიის პრინციპს შეიძლება უკავშირდებოდეს

კობახიძე – საკონსტიტუციო სასამართლოში შეტანილი სარჩელი ეხება ერთი პოლიტიკური პარტიის არაკონსტიტუციურად გამოცხადებას, ამ პარტიას ჰქვია კოლექტიური „ნაცმოძრაობა“

კობახიძე – არავის აქვს უფლება, ჩაერიოს მართლმსაჯულების დამოუკიდებლობაში, რასაც ცდილობენ ბიუროკრატები