ოცდაორმა ქვეყანამ, მათ შორის შეერთებულმა შტატებმა და ევროპულმა სახელმწიფოებმა, ირანი მათ ტერიტორიაზე თავდასხმების ორგანიზებაში დაადანაშაულეს. „ჩვენს ტერიტორიაზე ადამიანების მკვლელობის, გატაცების, დევნის, დაშინების ან სხვაგვარად თავდასხმის მცდელობები ძირს უთხრის ეროვნულ სუვერენიტეტსა და საერთაშორისო ნორმებს. ეს ქმედებები დაუყოვნებლივ უნდა შეწყდეს“, - ნათქვამია ხუთშაბათს, 11 ივნისს გამოქვეყნებულ ერთობლივ განცხადებაში.

გერმანიამ, ალბანეთმა, ავსტრალიამ, ბელგიამ, გაერთიანებულმა სამეფომ, ბულგარეთმა, კანადამ, ჩეხეთმა, დანიამ, ესტონეთმა, საფრანგეთმა, ფინეთმა, ირლანდიამ, ლატვიამ, ლიეტუვამ, ნიდერლანდებმა, ახალმა ზელანდიამ, ჩრდილოეთ მაკედონიამ, ნორვეგიამ, პორტუგალიამ, შვედეთმა და შეერთებულმა შტატებმა ასევე მოუწოდეს თეირანს, შეწყვიტოს თავდასხმები.

განცხადების თანახმად, ისლამური რევოლუციის გუშაგთა კორპუსის (IRGC) და მისი საზღვარგარეთული შტოს, „ყუდსის ძალების“ დაზვერვის სამსახურები ირანელი დისიდენტების, ჟურნალისტებისა და ებრაული თემების წინააღმდეგ „სასიკვდილო შეთქმულებებსა და მავნე საქმიანობაში“ არიან ჩართულნი.

ქვეყნებმა თეირანი ევროპაში თავდასხმების კამპანიის ორგანიზებაში დაადანაშაულეს, რომელიც ირანთან დაკავშირებულ ჯგუფ „ჰარაკათ აშაბ ალ-იამინ ალ-ისლამიას“ (რაც „მარჯვენა ხელის თანამგზავრების ისლამური მოძრაობა“) მიეწერება. მანამდე მან აიღო პასუხისმგებლობა ებრაულ თემებზე თავდასხმებსა და სინაგოგების ცეცხლის წაკიდებაზე დიდ ბრიტანეთში, ბელგიასა და ნიდერლანდებში.

ავტორი: ექსპრესნიუსი,

სოციალური ქსელები

ლიკლიკაძე - მძიმე წარსულზე ლაპარაკისას, ადამიანს შეიძლება ცდომილება მოუვიდეს

ბოლო ერთი თვის განმავლობაში, საარსებო შემწეობა კიდევ 7 235 საქართველოს მოქალაქეს შეუწყდა

ყაზახეთი განიხილავს ნავთობის ექსპორტის დამატებით მარშრუტებს, მათ შორის ბაქო-თბილისი-ჯეიჰანს

თურქეთის პარლამენტის წევრებმა ანკარას მოუწოდეს, აღიაროს აფხაზური პასპორტები