უკრაინისა და მოლდოვის ევროკავშირში გაწევრიანების პროცესში ახალი ეტაპი იწყება -  გაერთიანების ყველა წევრმა სახელმწიფომ მხარი დაუჭირა გაწევრიანების შესახებ მოლაპარაკებების პირველი კლასტერის გახსნას. ამის შესახებ უკრაინის პრემიერმინისტრმა იულია სვირიდენკომ 2026 წლის 4 ივნისს განაცხადა.

უნგრეთის პრემიერმინისტრმა პეტერ მადიარმა დაადასტურა კიევთან შეთანხმების მიღწევა, რის საფუძველზეც ევროკავშირის მაღალჩინოსნებმა მიიღეს გადაწყვეტილება ივნისის შუა რიცხვებიდან გაწევრიანების მომდევნო ეტაპის დაწყების შესახებ. 

გაფართოების საკითხებში ევროკავშირის კომისარმა მარტა კოსმა სოციალურ ქსელ X-ზე აღნიშნა, რომ მიღწეული შეთანხმება ხსნის გზას უკრაინის ევროინტეგრაციისთვის. კოსის განცხადებით, მოვლენების მიმდინარეობა საშუალებას იძლევა, ევროკავშირის ელჩების დონეზე დაიწყოს დისკუსიები ფორმალური პროცესის წარმართვის თაობაზე. ორმხრივი ურთიერთობების გამოსწორებას დადებითი შეფასება მისცეს უნგრეთისა და უკრაინის საგარეო საქმეთა მინისტრებმა, ანიტა ორბანმა და ანდრიი სიბიჰამ.

დიპლომატიური წყაროების ცნობით, გაფართოების 6 კლასტერიდან პირველის გახსნის ზუსტი თარიღი ამ დროისთვის ოფიციალურად განსაზღვრული არაა. თუმცა, როგორც ევროპელმა დიპლომატებმა გამოცემა Kyiv Independent-ს განუცხადეს, მოლაპარაკებების დაწყება იგეგმება 15 ივნისიდან, ლუქსემბურგში ევროკავშირის საგარეო საქმეთა მინისტრების შეხვედრის პარალელურად. ივნისის შუა რიცხვებიდან მოლაპარაკებების პირველი კლასტერის გახსნა ასევე იგეგმება მოლდოვასთან.

ავტორი: ექსპრესნიუსი,

სოციალური ქსელები

ექვსმა ამერიკელმა სენატორმა ტრამპი რუსეთისგან დიზელის საწვავის შესყიდვის გეგმასთან დაკავშირებით კანონის დარღვევაში დაადანაშაულა

ფონ დერ ლაიენი: უკრაინის ომი "ახალ, ბნელ ფაზაში" შევიდა

„ჩვენ შეგვიძლია დავივიწყოთ სამართლიანი სამყარო“: ბრიტანელი კონსერვატორების ლიდერმა გააკრიტიკა ტრამპის პოლიტიკა რუსეთის მიმართ

„უკრაინის შეიარაღებულმა ძალებმა შესაბამისი ბრძანებები მიიღეს“, - ზელენსკიმ დაადასტურა რუსეთთან ენერგეტიკული ცეცხლის შეწყვეტის შესახებ შეთანხმება