Euronews-ის ინფორმაციით, უნგრეთის ახალმა მთავრობამ ევროკავშირის მიერ რუსეთის პატრიარქ კირილზე და სხვა პირებზე, რომლებსაც ქვეყნის ყოფილი პრემიერმინისტრი ვიქტორ ორბანი იცავდა, სანქციების დაწესების შესახებ მზაობა გამოთქვა.

ოფიციალური პირები სააგენტოს უყვებიან, რომ შესაბამისი სანქციების "მინი პაკეტი" უკვე მზადდება.

ევროკავშირმა კირილის შავ სიაში შეყვანა პირველად 2022 წელს სცადა - მას უკრაინაში რუსეთის სრულმასშტაბიანი შეჭრის მხარდაჭერასა და რევიზიონისტული პროპაგანდის გავრცელებაში ადანაშაულებდნენ. თუმცა ორბანის მმართველობის დროს უნგრეთმა ეს გადაწყვეტილება რელიგიური თავისუფლების საბაბით დაბლოკა.

სააგენტო წერს, რომ ბრიუსელი იმედოვნებს, რომ ორბანის მემკვიდრე, პეტერ მადიარი, ახლა ამ გადაწყვეტილებას მხარს დაუჭერს, რადგან მადიარი ცდილობს, ორბანის მიერ ვეტოს უფლების ხშირად გამოყენების პრაქტიკისგან დისტანცირდეს.

"სანქციები, რომლებიც უნგრეთის ეკონომიკურ სტაბილურობას დააზიანებს, სრულიად მიუღებელია" - განუცხადა Euronews-ს მარტონ ჰაიდუმ, მადიარის ახლო მოკავშირემ და უნგრეთის პარლამენტის საგარეო ურთიერთობათა კომიტეტის თავმჯდომარემ.

"მაგრამ იმ შემთხვევებში, როდესაც წინა მთავრობა უნგრეთის სახელმწიფოს ძალაუფლებას კერძო გარიგებების დასადებად იყენებდა, ველოდები, რომ ახალი მთავრობა არ დაბლოკავს ევროკავშირის ერთობლივ ძალისხმევას, რომელიც ამ ომის დასასრულებლად რუსეთზე ზეწოლის გაძლიერებას ისახავს მიზნად" - დაამატა მან.

Euronews აღნიშნავს, რომ თავდაპირველად,  სანქციების სიაში სხვა რუსი პირებიც იყვნენ შეყვანილი, თუმცა მოგვიანებით ორბანის მოთხოვნით ამოიღეს, მათ შორის რუსეთის სპორტის მინისტრი მიხაილ დეგტიარიოვი და ოლიგარქი ვიაჩესლავ კანტორი - ახლა კი, შესაძლოა, მათი სახელებიც განიხილონ. "სახელების გადახედვა უჩვეულო არ არის" - განუცხადა Euronews-ს ევროკავშირის დიპლომატიურმა წყარომ.

გარდა ამისა, მიმდინარე წინადადება "ჩრდილოვანი ფლოტის" რამდენიმე ნავთობტანკერის, რომლებსაც რუსეთი დასავლური შეზღუდვების გვერდის ასავლელად იყენებს, დასანქცირებასაც ისახავს მიზნად.

ევროკავშირის წევრი ქვეყნების ელჩები წინადადების პირველად განხილვას 22 მაისს გეგმავენ, ხოლო მისი მიღება საგარეო საქმეთა საბჭოს სხდომაზე 15 ივნისს არის დაგეგმილი.

ავტორი: ექსპრესნიუსი,

სოციალური ქსელები

პირველკლასელების სასკოლო ფორმები საქართველოშია და 1-14 სექტემბერს გაიყიდება

პოლონეთის საელჩო: კაჩინსკის 2008 წლის გაფრთხილება პირქუშ წინასწარმეტყველებას ჰგავს

„მნიშვნელოვანი დემოკრატიული უკუსვლა“: რას ამბობს ევროკავშირის ახალი ანგარიში საქართველოს შესახებ

უკანა სავარძელზე მსხდომ მგზავრებს შესაძლოა უსაფრთხოების ღვედების გამოყენება მოეთხოვოთ