"თქვენი პასუხი პოლიტიკურ ქვეტექსტებთან დაკავშირებით ნამდვილად იყო მიუღებელი, უადგილო და ორაზროვანი",-ასე გამოეხმაურა "რესპუბლიკური" პარტიის წევრი თამარ კორძაია  დეპუტატ ეკე ბესელიას განცხადებას.

კორძაიას თქმით, რესპუბლიკელებს თავიანთი პოზიციების ღიად გამოხატვის პრობლემა არ აქვთ.

“თქვენი პასუხი პოლიტიკურ ქვეტექსტებთან დაკავშირებით ნამდვილად იყო მიუღებელი, უადგილო და ორაზროვანი იმიტომ, რომ არც ბატონ ნოდარს და არც ერთ "რესპუბლიკელს" არ გვაქვს იმის პრობლემა, რომ ჩვენი პოზიციები გამოვხატოთ ღიად და ეს იცის ყველამ, ამიტომ გთხოვთ, მომავალში ეს გაითვალისწონოთ, “ - განაცხადა  თამარ კორძაიამ.

შგახსენებთ, პარლამენტის ადამიანის უფლებათა დაცვის კომიტეტის თავმჯდომარე  ეკა ბესელია და   ფრაქცია “ქართული ოცნება - რესპუბლიკელების" წევრი ნოდარ ებანოიძე ერთმანეთს  სიტყვიერად დაუპირისპირდნენ.

დეპუატატს შორის დაპირისპირების მიზეზი საბავშვო ბაღების რეფორმა გახდა.

„უკაცრავად ნუ ყვირიხართ, გაუგებარი ლოგიკაა ჩემთვის რასაც ამბობთ. ხელებს ნუ იშვერთ ბატონო ნოდარ და ნუ ყვირიხართ. თუ გინდათ გამობრძანდით და დაასაბუთეთ თქვენი ლოგიკა, რომელიც მე ვერ გავიგე და ნუ ყვირიხართ. დღეს მეტისმეტად გაცხარებული ბრძანდებით. კანონპროექტის სულისკვეთების ნოტას დაუბრუნდით და იმედია პოლიტიკურ ნოტაზე არ ხართ გადასული. დაიწყნარეთ ნერვები და ხელები სათანადო მიმართულებით მიმართეთ. კაცო, ეს პოლიტიკური მოცემულობა როგორ ცვლის ხალხს, ამ კანონზე შეიძლება ასეთი რაღაცები აკეთო?“,-მიმართა ბესელიამ ებანოიძეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ განაცხადა, რომ Starshield-მა 400 კმ/სთ-ზე მეტი სიჩქარე აღადგინა.

კობახიძე ღია რუსული პარტიების აკრძალვაზე უკრაინაში - პარტიების აკრძალვაზე არავის უთქვამს, რომ დემოკრატიის პრინციპს შეიძლება უკავშირდებოდეს

კობახიძე – საკონსტიტუციო სასამართლოში შეტანილი სარჩელი ეხება ერთი პოლიტიკური პარტიის არაკონსტიტუციურად გამოცხადებას, ამ პარტიას ჰქვია კოლექტიური „ნაცმოძრაობა“

კობახიძე – არავის აქვს უფლება, ჩაერიოს მართლმსაჯულების დამოუკიდებლობაში, რასაც ცდილობენ ბიუროკრატები