2026-04-11 13:11:20, 8153 ნახვა
პოლიტიკა
ევროკავშირის საგარეო საქმეთა მინისტრები საქართველოში არსებულ ვითარებას 21 აპრილს განიხილავენ
21 აპრილს, ევროკავშირის საგარეო საქმეთა მინისტრები, სხვა საკითხებთან ერთად, საქართველოში არსებულ ვითარებასაც განიხილავენ. ეს 21 აპრილს დაგეგმილი ევროკავშირის საგარეო საქმეთა მინისტრების შეხვედრის დღის წესრიგშია მითითებული.
„მინისტრები სომხეთის დედაქალაქ ერევანში დაგეგმილი ევროპის პოლიტიკური თანამეგობრობის სამიტის წინ სამხრეთ კავკასიის საკითხებზე, განსაკუთრებული აქცენტით სომხეთსა და აზერბაიჯანს შორის ურთიერთობებზე, მოსაზრებებს გაცვლიან და ასევე განიხილავენ საქართველოში არსებულ ვითარებას“, - ნათქვამია დღის წესრიგში.
ასევე დაგეგმილია რუსეთის ომის, ახლო აღმოსავლეთში არსებული სიტუაციის და სუდანის განხილვა.
ავტორი: ექსპრესნიუსი,
epn.ge (@expressnews.ge)
