საქართველოს, უკრაინისა და მოლდოვასთვის ამოქმედდება ფართომასშტაბიანი დახმარების პროგრამა, რომელიც ჯანდაცვისა და სხვა სფეროების მხარდაჭერას ითვალისწინებს. ამერიკის შეერთებული შტატების მთავრობამ გლობალური ჯანმრთელობის დახმარების პროგრამის ფარგლებში გააძლიერა საქართველოს მხარდაჭერა.

განცხადება აღნიშნული დახმარების შესახებ USAID-ის ადმინისტრატორმა გაილ სმიტმა წარმომადგენლობითი პალატის სახელმწიფო და საერთაშორისო ურთიერთობების ქვეკომიტეტის წინაშე სიტყვით გამოსვლისას გააკეთა.

“698.1 მილიონი აშშ დოლარი გამოიყოფა ეკონომიკის მხარდაჭერის ფონდის და მსოფლიო ჯანდაცვის პროგრამებისთვის,  ევროპის,  ევრაზიის და ცენტრალური აზიის ქვეყნებში, რათა  გაძლიერდეს საბაზრო ეკონომიკისა და ვაჭრობის შესაძლებლობები, დამოუკიდებელი მედია და დემოკრატიული ინსტუტიტები, აგრეთვე ქვეყნების  ენერგო დამოუკიდებლობა, ჯანდაცვა და განათლების გრძელვადიანი პროგრამები.

აღნიშნული ღონისძიებები წარმოადგენს ამერიკის შეერთებული შტატების მთავრობის მიერ საქართველოს, უკრაინის, მოლდოვას და რუსეთის სხვა მეზობელი ქვეყნების მიმართ ფართომასშტაბიანი დახმარების პროგრამის ნაწილს, რომელიც მიზნად ისახავს ამ ქვეყნების მიერ რუსეთისგან მომდინარე გაზრდილ ზეწოლასთან გამკლავებას”, - აღნიშნა სმიტმა.

ცნობისთვის, გაილ სმიტი პირველად წარსდგა წარმომადგენლობითი პალატის წინაშე პრეზიდენტ ობამას 2017  ფისკალური წლის ბიუჯეტის პროექტის მხარდასაჭერად. მისი მოხსენების დიდი ნაწილი საერთაშორისო დახმარების პროგრამების როგორც ამერიკული დიპლომატიის ინსტრუმენტის მნიშვნელობას დაეთმო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რომის პაპი ჟურნალისტებს - მიხარია, რომ აქ ხართ, კარგი გაშუქება ყველგან და ყველასთვის მნიშვნელოვანია

თიბისი კონცეპტის მხარდაჭერით ამირ კაკაბაძის საიუბილეო წიგნი გამოიცა

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში

რუსეთი სამშენებლო კომპანიების გაკოტრების ტალღამ მოიცვა