უნგრეთის პარლამენტის თავმჯდომარის ლასლო კოველის განცხადებით, საქართველო უკვე მომწიფებულია და ევროკავშირთან უვიზო რეჟიმის მისაღებად მზად არის.

კოველი იმედს გამოთქვამს, რომ საქართველოსთვის უვიზო მიმოსვლის მინიჭების პროცესი მიმდინარე წლის ზაფხულში დასრულდება.

„ჩვენთვის საქართველო უმნიშვნელოვანესი ქვეყანაა. მიუხედავად გეოგრაფიული სიშორისა, სულიერი და კულტურულიმსგავსებები  ჩვენთვის მას ძალიან ახლობელ ქვეყნად აქცევს.

საქართველოს ასევე მნიშვნელოვანი ადგილი უკავია რეგიონშიც. სწორედ ამიტომ, ჩვენ მზად ვართ ხელი შევუწყოთ მის ევრო-ატლანტიკურ ინტეგრაციას და ვფიქრობთ, რომ ეს პროცესი კიდევ უფრო უნდა დაჩქარდეს. უნგრეთის ეროვნულ ასამბლეას (პარლამენტს) ამის გაკეთება ორი  გზით შეუძლია. პირველი -  ჩვენ მაქსიმალურად მოკლე ვადებში უნდა ვუზრუნველყოთ საქართველოს საერთაშორისო ურთიერთობებთან დაკავშირებული ყველა შეთანხმების რატიფიცირება, და მეორე -  საქართველოს ჩვენს მიერ დაგროვილი გამოცდილება უნდა გავუზიაროთ.

მიგვაჩნია, რომ საქართველო უკვე მომწიფებულია და მზადაა ევროკავშირთან უვიზო რეჟიმის მისაღებად და ვიმედოვნებთ, რომ საქართველოსთვის უვიზო მიმოსვლის მინიჭების პროცესი მიმდინარე წლის ზაფხულში დასრულდება." - განაცხადა უნგრეთის პარლამენტის თავმჯდომარემ.

ბუდაპეშტში ოფიციალური ვიზიტის ფარგლებში, საგარეო საქმეთა მინისტრმა, მიხეილ ჯანელიძემ შეხვედრა გამართა უნგრეთის პარლამენტის თავმჯდომარესთან, ლასლო კოველთან.

შეხვედრაზე მხარეებმა ხაზი გაუსვეს ორ ქვეყანას შორს არსებულ მჭიდრო ურთიერთობებს და განსაკუთრებულ მეგობრობას.  ჯანელიძემ  მადლობა გადაუხადა უნგრულ მხარეს საქართველოს მხარდაჭერისთვის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე ღია რუსული პარტიების აკრძალვაზე უკრაინაში - პარტიების აკრძალვაზე არავის უთქვამს, რომ დემოკრატიის პრინციპს შეიძლება უკავშირდებოდეს

კობახიძე – საკონსტიტუციო სასამართლოში შეტანილი სარჩელი ეხება ერთი პოლიტიკური პარტიის არაკონსტიტუციურად გამოცხადებას, ამ პარტიას ჰქვია კოლექტიური „ნაცმოძრაობა“

კობახიძე – არავის აქვს უფლება, ჩაერიოს მართლმსაჯულების დამოუკიდებლობაში, რასაც ცდილობენ ბიუროკრატები

FT: ტრამპის მეგობარი რუსულ „ნოვატეკს“ დაეხმარა ალასკაში სტრატეგიული თხევადი ბუნებრივი აირის პროექტის მშენებელ ამერიკულ კომპანიაზე კონტროლის მოპოვებაში