საქართველოს  დღეს, დიდი ბრიტანეთის საგარეო საქმეთა მინისტრი, ფილიპ ჰემონდი ეწვია.

როგორც „ექსპრესნიუსს“ დიდი ბრიტანეთის საელჩოდან აცნობეს, ჰემონდი საქართველოს პრემიერ მინისტრს, გიორგი კვირიკაშვილს შეხვდება.

ჰემონდს თბილისის საერთაშორისო აეროპორტში ბრიტანეთის ელჩი საქართველოში ალექსანდრე ჰოლ-ჰოლი და ბრიტანეთში საქართველოს ელჩი თამარ ბერუჩაშვილი დახვდნენ.

მისი ვიზიტის მთავარი მიზანია, საქართველოს ევრო-ატლანტიკური კურსის მიმართ კიდევ ერთხელ მხარდაჭერის გამოხატვა.

მათივე ინფორმაციით, ვიზიტის ფარგლებში, მინისტრი შეხვედრებს გამართავს საქართველოს პრემიერ მინისტრთან, საქართველოს მთავრობის წევრებთან, საქართველოს საგარეო საქმეთა სამინისტროში და საქართველოს პარლამენტის თავჯდომარესთან. იგი აგრეთვე გვირგვინით შეამკობს თბილისში მდებარე გმირთა მემორიალს.

ჰედმონდი  სიტყვით გამოვა „სამხრეთ კავკასიის ახალგაზრდა პოლიტიკოსთა“ ფორუმზე“; დაესწრება  მარინა ციციშვილისთვის ბრიტანეთის სამეფო ორდენის გადაცემის ცერემონიას და ეწვევა კომპანია BP-ის სამხრეთ კავკასიის გაზსადენის გაფართოების პროექტის მშენებლობას.

ვიზიტზე საუბრისას ბატონმა ჰემონდმა განაცხადა:

მინისტრის თქმით, დიდი ბრიტანეთი საქართველოს აღიქვამს როგორც მნიშვნელოვან საერთაშორისო პარტნიორს და როგორც წარმატების მაგალითს რეგიონში.

„ბრიტანეთი საქართველოს აღიქვამს, როგორც მნიშვნელოვან საერთაშორისო პარტნიორს და როგორც წარმატების მაგალითს რეგიონში. დიდ ბრიტანეთსა და საქართველოს ხანგრძლივი მეგობრობის და ორმხრივი თანამშრომლობის ისტორია აკავშირებს. ჩვენ მივესალმებით საქართველოს პროგრესს ეკონომიკური და პოლიტიკური რეფორმების გატარების გზაზე, რაც მას კიდევ უფრო დაახლოებს ევრო-ატლანტიკურ სტრუქტურებთან.

ჩვენ გვახსოვს, რომ საქართველოს გადაუჭრელი კონფლიქტი აქვს რუსეთთან, აფხაზეთსა და სამხრეთ ოსეთთან დაკავშირებით. ბრიტანეთი მხარს უჭერს საქართველოს დამოუკიდებლობასა და ტერიტორიულ მთლიანობას. ჩვენ ყოველთვის ძალიან მტკიცედ ვდგავართ პოზიციაზე, რომ ისეთ ქვეყნებს როგორიც საქართველოა, უნდა ჰქონდეთ საშუალება სუვერენული არჩევანისა, გარეშე ძალების ჩარევის გარეშე.

2016 წელს საქართველო დამოუკიდებლობის 25 წელს აღნიშნავს. ჩვენ იმედს ვიტოვებთ ოქტომბრის არჩევნები, კიდევ ერთხელ გაუსვამს ხაზს დამოუკიდებლობის პერიოდში მიღწეულ დემოკრატიის პროგრესს", - განაცხადა ჰემონდმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე – საკონსტიტუციო სასამართლოში შეტანილი სარჩელი ეხება ერთი პოლიტიკური პარტიის არაკონსტიტუციურად გამოცხადებას, ამ პარტიას ჰქვია კოლექტიური „ნაცმოძრაობა“

კობახიძე – არავის აქვს უფლება, ჩაერიოს მართლმსაჯულების დამოუკიდებლობაში, რასაც ცდილობენ ბიუროკრატები

FT: ტრამპის მეგობარი რუსულ „ნოვატეკს“ დაეხმარა ალასკაში სტრატეგიული თხევადი ბუნებრივი აირის პროექტის მშენებელ ამერიკულ კომპანიაზე კონტროლის მოპოვებაში

ორიოლის სამხედრო ქარხანაზე სარაკეტო თავდასხმის შედეგად რვა ადამიანი დაშავდა, ერთი გარდაიცვალა